Contact Us

SON XƏBƏRLƏR

Şahnaz Qulaminin şikayətinə nə zaman yetişiləcəği hələ bəlli deyil

2021.10.20, 07:36
Şahnaz Qulaminin şikayətinə nə zaman yetişiləcəği hələ bəlli deyil

Gunaz.tv
Şahnaz Qulaminin şikayətinə nə zaman yetişiləcəği hələ bəlli deyil _yhnaz_gulami.jpg İran adlanan ölkədə qadınlara bərabər hüquq tələb edən azərbaycanlı jurnalist Şahnaz Qulaminin apellyasiya şikayətinə nə zaman baxılacağı bəlli deyil. Şikayət İnqilab Məhkəməsinə daxil olsa da, mühakimə gününün dəqiq vaxtı müəyyənləşməyib. Bunu «GAİP» a onun vəkili Neqi Mahmudi deyib. Vəkil deyir ki, azərbaycanlı jurnalist Şahnaz Qulami İran əleyhinə cinayətə görə, mühakimə olunur. Bir neçə ay bundan əvvəlsə, Təbriz İnqilab Məhkəməsinin 1-ci Şöbəsi Qulamiyə dövlət quruluşuna qarşı təbliğat ittihamı ilə 6 ay həbs cəzası vermişdi. Qulami bu hökmdən də apellyasiya şikayəti verib. Hələ ki, həmin şikayətə də baxılmayıb. Şahnaz Qulaminin həbsinə səbəb kimi onun son zamanlar milli hüquqlar uğrunda hərəkatın fəalı Qulamrza Əmaninin avtomobil qəzasında ölümü ilə bağlı irəli sürdüyü ehtimalların da durduğu bildirilir. Vəkil Neqi Mahmudi: «Şahnaz Qulami deyirdi ki, Əmanini və digərlərini polis öldürüb, sənədlərdə də bu göstərilirdi. Polis tərəfdən də şikayət olmuşdu ki, xanım Qulami saxta xəbərlər yayıb. Saxta olub, olmasa da, məncə, bir jurnalisti buna görə sorğu-suala çəkmək və həbs etmək doğru deyil. Jurnalistlər dünyanın hər yerində öz fikirlərini azad yayırlar». Şahnaz Qulami bu ehtimalları müəllifi olduğu «azarwomen» bloqunda da dərc edib. Şahnaz Qulami ötən il noyabrın 9-dan 10-a keçən gecə həbs olunub. O, Xalq Mücahidlər Hərəkatında siyasi fəaliyyətinə görə, 1989-cu ildən 1994-cü ilədək həbsdə olub. 2006-cı ilin mayında isə «İran» qəzetində azərbaycanlıları təhqir edən karikatura ilə bağlı etirazların ildönümündə iştirakına görə də bir ay həbsdə saxlanılıb. Şahnaz Qulami «azarwomen» bloqunun yaradıcısı və İranda Qadın Jurnalistlər Assosiasiyasının («Roza») üzvüdür.

SEÇİLMİŞ XƏBƏRLƏR

Çox oxunanlar