Contact Us

SON XƏBƏRLƏR

QVİNEYADA PREZİDENT ÖLDÜ, ARDINCA HƏRBİ ÇEVRİLİŞ BAŞ VERDİ

2021.10.20, 07:36
QVİNEYADA PREZİDENT ÖLDÜ, ARDINCA HƏRBİ ÇEVRİLİŞ BAŞ VERDİ

Gunaz.tv
QVİNEYADA PREZİDENT ÖLDÜ, ARDINCA HƏRBİ ÇEVRİLİŞ BAŞ VERDİ Hərbçilər Lansan Kontenin ölüm xəbərini eşidib hakimiyyətin ikinci-üçüncü adamlarını həbs etdilər 6374.jpg Dünən Qvineya prezidenti Lansan Konte ölkəni 24 il idarə etdikdən sonra 75 yaşında ölüb. Onun ölümü haqda məlumatı parlament spikeri verib. Bildirilir ki, Konte şəkərli diabetdən əziyyət çəkirmş, son vaxtlar isə onda leykemiya xəstəliyi aşkar olunub. Məlumata görə, diktator çoxlu siqaret çəkən olub. Onun ölüm səbəbi rəsmən açıqlanmır. “Frans press” agentliyinin xəbərinə görə, Kontenin ölüm ayağında olduğu bir vaxtda ölkənin hərbi və siyasi rəhbərliyi toplanıb. Toplantıda hakimiyyətin kimə ötürülməsi məsələsi müzakirə olunub. Ölkə qanunlarına görə, prezident postunun bu və ya digər səbələrdən boş qalması halında onun səlahiyyətləri parlament spikerinə keçməliydi. Bildirilir ki, Konte 1984-cü ildə müstəqil Qvineya Respublikasının əsasını qoyan Seku Turenin ölümündən sonra hərbi çevriliş yolu ilə hakimiyyəti ələ alıb. Yalnız 1991-ci ildə o, ölkədə yeni konstitusiya qəbul edib və çoxpartiyalı sistemə keçib, parlament formalaşdırıb. 1993-cü ildə isə Konte prezident seçkiləri keçirib. İki il sonra keçirilən və qanlı iğtişaşlarla müşayiət olunan parlament seçkilərini də onun partiyası udub. Belə görünür ki, Kontenin ölümündən sonra hakimiyyətin kimə ötürülməsi məsələsində razılıq əldə olunmayıb. Yerli mənbələrə istinadən yayılan xəbərlərə görə, prezidentin ölümündən bir neçə saat sonra Qvineyada hərbi çevriliş baş verib. Hərbçilər parlamentin spikeri Əbubakar Sompareni və hakimiyyətin üçüncü şəxsi Əhməd Tidanı həbs ediblər. Özünü “demokratiya və inkişaf naminə milli Şura” adlandıran hərbi xunta hakimiyyət binalarını nəzarətə götürüb. Şura paytaxt sakinlərini evlərindən bayıra çıxmamağa və sakitliyə riayət etməyə çağırıb. Şuraya başçılıq edən silahlı qüvvələrin rəhbəri Musa Kamara bəyan edib ki, hökumət və parlament buraxılır, dövlət və konstitusion təsisatların fəaliyyətinə son verilir. O, bunu ölkənin üzləşdiyi iqtisadi-siyasi böhranla izah edib. F.MƏMMƏDOV

SEÇİLMİŞ XƏBƏRLƏR

Çox oxunanlar