ANDRES HERKEL REFERENDUM LAYİHƏSİNƏ MÜNASİBƏT AÇIQLAYIB

SON XƏBƏRLƏR

ANDRES HERKEL REFERENDUM LAYİHƏSİNƏ MÜNASİBƏT AÇIQLAYIB

2021.10.20, 07:36

Gunaz.tv

ANDRES HERKEL REFERENDUM LAYİHƏSİNƏ MÜNASİBƏT AÇIQLAYIB

Avropa Şurası Parlament Assambleyası Monitorinq Komitəsinin Azərbaycan üzrə həmməruzəçisi Andres Herkel «Turan» agentliyinə müsahibə verib. O, «Azərbaycan Respublikasının Konstitusiyasına əlavələr və dəyişikliklər edilməsi haqqında» referendum aktının layihəsində eyni şəxsin ardıcıl olaraq iki dəfədən artıq prezident seçilməsi məhdudiyyətinin götürülməsinə münasibət bildirib. - Ümumilikdə belə təcrübə mövcuddur ki, prezidentlik səlahiyyətləri iki müddətlə məhdudlaşdırılsın. Bu ona görə edilir ki, hakimiyyət uzun müddət eyni şəxsin əlində qalmasın. Bu bəndin referendum vasitəsilə dəyişdirilməsi, Azərbaycanın əvvəlki seçki təcrübəsini nəzərə almaqla, əlbəttə ki, mümkündür. Qərb ölkələrində demokratik konstruksiyaların hansı şəkildə qəbul edildiyini o qədər də yaxşı dərk etməyən insanlar belə manipulyasiyanın mahiyyətini çox da yaxşı anlamazlar. Odur ki, bütün bunlar daha çox demokratik institutların uzadılmasının süni üsuludur. - Prezident seçkiləri cəmi iki ay əvvəl keçirilib və qəfildən prezidentlik məhdudiyyətinin götürülməsi ortaya çıxır. Sizcə, bu tələskənliyin səbəbi nədədir? - Son hadisələri bilavasitə izləməmişəm, ona görə bu mövzunu təhlil etməkdə çətinlik çəkirəm. Bir şeyi deyə bilərəm: Azərbaycan prezidentli dövlətdir və konstitusiyanı bu prinsipi nəzərə almaqla tərtib etmək olar. Amma parlament tamamilə zəif olaraq qalmaqdadır. Mən hələ də ümid edirəm ki, Azərbaycanda bundan sonrakı istər parlament, istərsə də prezident seçkiləri daha demokratik olacaq və rəqabət əsasında keçiriləcək. - Referendum keçirilməsi barədə məsələ ümumilikdə həll edilmiş kimi görünür. 2009-cu ilin mart ayında keçirilməsi ehtimal olunan bu referendumun monitorinqini aparacaqsınız? - Əlbəttə, bu bizim 2009-cu ilin fevral-mart ayında gözlənilən səfərimizin diqqət mərkəzində olan məsələlərdəndir. - Həmməruzəçilərin 2009-cu ilin ilk yarısına planları necədir? - Öncə məhbus jurnalistlər, həmçinin siyasi məhbus olduğu ehtimal edilən şəxslərlə bağlı məsələ üzrə iş davam etdiriləcək. Həm də yəqin ki, ümumi işə son konstitusiya dəyişiklikləri ilə bağlı məsələ də əlavə olunacaq. - Fevral-mart ayında – referenduma fəal hazırlıq gedən zaman Bakıya gəlməyi planlaşdırırsınız. Referenduma bir neçə həftə qalmış bu məsələlərin qaldırılmasının mənası olacaq? - Vəziyyətdən göründüyü kimi, bu məsələlərlə bağlı heç AŞPA həmməruzəçiləri və ya ekspertləri ilə məsləhətləşmək ideyası olmayıb. Bütün bunlar çox sürətlə həyata keçirilir. - Artıq birinci il deyil ki, Azərbaycan üzrə məruzəçisiniz. 2008-ci il necə yadınızda qalıb və 2009-cu ildən nə gözləyirsiniz? - Azərbaycan üzrə yenicə məruzəçi təyin edildiyim 2004-cü il ilə müqayisə etsəm, o vaxt Azərbaycanda KİV-lərin özünü ifadə etməsi üçün daha demokratik mühit mövcud idi. İndi hiss olunur ki, dövlət daha da güclüdür. Ola bilsin ki, gələn il iqtisadi böhran öz təsirini göstərəcək. Lakin bu mövzu üzərində spekulyasiya etmək istəməzdim.mediaforum

GUNAZ.TV

SON XƏBƏRLƏR