Contact Us

SON XƏBƏRLƏR

“ÖLÜM MARŞI” KİTABI BEYNƏLXALQ AVRASİYA MƏTBUAT FONDUNUN DİPLOMUNA LAYİQ GÖRÜLMÜŞDÜR

2021.10.20, 07:36
“ÖLÜM MARŞI” KİTABI BEYNƏLXALQ AVRASİYA MƏTBUAT FONDUNUN DİPLOMUNA LAYİQ GÖRÜLMÜŞDÜR

Gunaz.tv
“ÖLÜM MARŞI” KİTABI BEYNƏLXALQ AVRASİYA MƏTBUAT FONDUNUN DİPLOMUNA LAYİQ GÖRÜLMÜŞDÜR olummarshi.jpg Azərbaycan Milli Elmlər Akademiyası İnsan Hüquqları İnstitutunun direktoru, siyasi elmlər doktoru, professor Rövşən Mustafayevin erməni terrorizmini ifşa edən “Ölüm marşı” kitabı Yerusəlimdə və Moskvada ivrit, ingilis və rus dillərində nəşr edilmişdir. AzərTAc xəbər verir ki, kitab Beynəlxalq Avrasiya Mətbuat Fondunun (BAMF) diplomuna layiq görülmüşdür. Bu münasibətlə dekabrın 23-də “Hyatt Regency” mehmanxanasında keçirilən mərasimdə BAMF-ın sədri Umud Mirzəyev bildirmişdir ki, kitabda beynəlxalq terrorizmin bəşəri bəla olduğu tarixi faktlarla diqqətə çatdırılmış, ermənilərin apardıqları soyqırımı siyasəti ətraflı tədqiq edilmiş, onların əsrlər boyu, xüsusilə 1918-1920-ci illərdə Azərbaycanın ayrı-ayrı şəhər və rayonlarında (Bakıda, Qubada və s.) törətdikləri qanlı hadisələr barədə ətraflı məlumat verilmişdir. Həmin hadisələr zamanı bədnam düşmənlər təkcə azərbaycanlıların deyil, həm də burada yaşayan yüzlərlə yəhudinin qanını axıtmışlar. Natiq qeyd etmişdir ki, kitabın müəllifi ermənilərin bəd əməllərini dünya oxucularının nəzərinə çarpdırmaqla yanaşı, həm də insanları sülhə, əmin-amanlığa çağırır. Sonra Beynəlxalq Avrasiya Mətbuat Fondunun diplomu professor Rövşən Mustafayevə təqdim edilmişdir. Milli Məclis sədrinin birinci müavini Ziyafət Əsgərov erməni terrorizminin bəşəriyyət üçün daim təhlükəli bəla olduğunu diqqətə çatdırmış, dünya xalqları tərəfindən bu bəlanın qarşısının alınmasının zəruriliyini bildirmiş, kitabın əhəmiyyətini vurğulamışdır. İsrailli alim, professor Aleks Pisman xalqlarımızın dostluq münasibətlərindən bəhs etmişdir. Terrorizmin acı nəticələrini xatırladan alim qeyd etmişdir ki, ermənilərin törətdikləri qanlı hadisələr, tökdükləri günahsız qanlar barədə dünya ictimaiyyətinə daha ətraflı məlumatlar verilməlidir. Azərbaycan Milli Elmlər Akademiyasının birinci vitse-prezidenti, akademik Arif Həşimov, Milli Məclisin deputatları Rəbiyyət Aslanova, Qənirə Paşayeva və digər natiqlər də dərin tarixi araşdırmaların nəticəsi olan kitabı yüksək qiymətləndirmişlər. Kitabın elmi məsləhətçiləri professor M.Aqarunov, tarix elmləri doktoru A.Pisman (İsrail), professor A.Todadzedir (Gürcüstan).

SEÇİLMİŞ XƏBƏRLƏR

Çox oxunanlar