Contact Us

SON XƏBƏRLƏR

Mahmud Əhmədinejad: BMT-nin sanksiyaları və ABŞ-ın bir tərəfli iqtisadi məhdudiyyətləri yalnız İranın daha da inkişaf etməsinə imkan yaradıb

2021.10.20, 07:36
Mahmud Əhmədinejad: BMT-nin sanksiyaları və ABŞ-ın bir tərəfli iqtisadi məhdudiyyətləri yalnız İranın daha da inkişaf etməsinə imkan yaradıb

Gunaz.tv
«BMT-nin sanksiyaları və ABŞ-ın bir tərəfli iqtisadi məhdudiyyətləri yalnız İranın daha da inkişaf etməsinə imkan yaradıb» 2008-12-24_8835.jpg «BMT Təhlükəsizlik Şurasının İrana qarşı sanksiyaları, eləcə də Amerika Birləşmiş Ştatlarının (ABŞ) bir tərəfli iqtisadi məhdudiyyətləri yalnız İran İslam Respublikasının daha da inkişaf etməsinə imkan yaradıb». Bu bəyanatla İran İslam Respublikasının prezidenti Mahmud Əhmədinejad çıxış edib. Jurnalistlərə müsahibə verən İran dövlət başçısının sözlərinə görə, İran ona qarşı tətbiq edilən məhdudiyyətləri öz üstünlüyünə çevirməyin öhdəsindən gələ bilib. «Bizim ölkəmizə qarşı bəzi güc dili ilə danışan dövlətlər tərəfindən sanksiyalar tətbiq edilib. Bu sanksiyalar qeyri-qanunidir. Və təbii ki, İran xalqı onlara qarşı müqavimət göstərə bilmək üçün bütün lazımi tədbirləri görüb. Biz inanırıq ki, bu bədxahların sanksiya vasitələri artıq keçmişin işidir. Həqiqətdə isə İranın düşmənləri elə öz özlərinə sanksiyalar qoyublar. İran xalqı öz yolunu davam etdirir»,-deyə prezident bildirib. Qeyd edək ki, başda ABŞ olmaqla bir sıra Qərb dövlətləri İranın dinc məqsədlər üçün nüvə proqramı adı altında nüvə silahı hazırlaya biləcəyindən narahatdır. İran rəhbərliyi isə bütün bu iddiaları təkzib edərək, proramın yalnız ölkənin enerji tələbatının ödənilməsi məqsədini daşıdığını bildirir. BMT Təhlükəsizlik Şurası sonuncu dəfə İrana qarşı qətnaməni cari ilin sentabrın 27-də qəbul edib. Qəbul edilən 18-35-ci qətnaməyə əsasən, Tehrana qarşı hər hansı yeni sanksiyalar nəzərdə tutulmasa da, bundan əvvəlki qətnamələrdə nəzərdə tutulan sanksiyalar bir daha təsdiqlənib. Qeyd edək ki, qəbul edilmiş qətnamədə İrana qarşı yeni sanksiyaların tətbiq edilməsinə rəsmi Moskvanın xüsusi cəhdləri mane olmuşdu. Elə qətnamənin mətni də Rusiyanın təşəbəbbüsü ilə hazırlanmışdı.

SEÇİLMİŞ XƏBƏRLƏR

Çox oxunanlar