HAŞİMİ RƏFSƏNCANİ: «CƏMİYYƏTİ MİN İL ƏVVƏLKİ RƏVAYƏTLƏRLƏ İDARƏ ETMƏK MÜMKÜN DEYİL»

SON XƏBƏRLƏR

HAŞİMİ RƏFSƏNCANİ: «CƏMİYYƏTİ MİN İL ƏVVƏLKİ RƏVAYƏTLƏRLƏ İDARƏ ETMƏK MÜMKÜN DEYİL»

2021.10.20, 07:36

Gunaz.tv

HAŞİMİ RƏFSƏNCANİ: «CƏMİYYƏTİ MİN İL ƏVVƏLKİ RƏVAYƏTLƏRLƏ İDARƏ ETMƏK MÜMKÜN DEYİL»

İranın keçmiş prezidenti, Sistemin Məsləhətini Müəyyənləşdirən Qurumun və Üləmalar Məclisinin rəhbəri ayətullah Haşimi Rəfsəncani hesab edir ki, şiəlikdəki ictihad (ilahiyyət elmində ruhani şəxsin yüksək dini dərəcəyə - müctəhidliyə yiyələnməsi) və fiqh (şəriət qanunşünaslığı) məsələlərini müasir dövrün gerçəkliklərinə uyğunlaşdırmağın vaxtı çatıb. «Media forum» saytının məlumatına görə, dekabrın 22-də Tehran Universitetində «Müasir dövrdə ictihad» mövzusunda keçirilən toplantıda ruhanilər və dini məktəblərin tələbələri qarşısında çıxış edən Rəfsəncani elmlərin inkişaf etdiyini vurğulayaraq bir müctəhidin bütün elm sahələrində kifayət qədər bilgiyə yiyələnməsinin qeyri-mümkün olduğunu deyib. O qeyd edib ki, bundan sonra fiqhi ixtisaslaşdırmaq vacibdir: «O dövrdə kosmik tədqiqatlar, yerin altında neçə min metrlik qazıntılar gündəlik mövzulardan sayılmırdı. Bu gün cəmiyyəti min il əvvəlki rəvayətlərlə idarə etmək mümkün deyil. Hesab edirəm ki, fiqh elmi ixtisaslaşdırılmalı, hər din xadimi yalnız elmin bir sahəsində ixtisasa yiyələnməli və müctəhidlər də dərindən öyrənə bildikləri sahədən danışmalıdırlar». Haşimi Rəfəncani hazırkı fiqh əsasında qadınların14 əsrdir hüquqlarının tapdandığını da etiraf edib: «Bir fikir verin, müəyyən bir fitva əsasında 14 əsrdir ki, qadınların öz ərlərindən miras alması hüququ tapdanır, onlar ərlərindən miras ala bilmirlər. Buna bənzər fitvalar çoxdur». Rəfsəncani bundan sonra fiqhdə hər şeydən əvvəl əqlə söykənməyi və əqlə üstünlük verilməsini vacib sayıb: «Fiqh sahələri ixtisaslaşdırılsa, onda fiqhin şuralar yolu ilə təyin edilməsini qəbul etməliyik və əsas da odur ki, hər şeydən əvvəl əqlə üstünlük verilməlidir». «Media forum»

GUNAZ.TV

SON XƏBƏRLƏR