Contact Us

SON XƏBƏRLƏR

BUŞA AYAQQABI ATAN JURNALİSTİ “SINDIRDILAR”

2021.10.20, 07:36
BUŞA AYAQQABI ATAN JURNALİSTİ “SINDIRDILAR”

Gunaz.tv
BUŞA AYAQQABI ATAN JURNALİSTİ “SINDIRDILAR” Müntəzir əz-Zeydi baş nazirdən əfv dilədi 6318.jpg İraqa səfəri zamanı ABŞ prezidenti Corc Buşa ayaqqabılarını atan və dərhal ərəb dünyasında əsl qəhrəmana çevrilən jurnalist Müntəzir əz-Zeydi həbsxanadan baş nazir Nuri əl-Malikiyə məktub yazaraq əməlindən peşman olduğunu bildirib. Misirin “Əl-Bağdadiyə” kanalının əməkdaşı olan əz-Zeydi öz xətti ilə yazdığı məktubunda baş nazirdən xahiş edir ki, onu bağışlasın. Xəbər verildiyi kimi, dekabrın 14-də Corc Buşun Bağdadda əl-Maliki ilə birgə keçiridyi mətbuat konfransı zamanı əz-Zeydi ayaqqabılarını çıxararaq ABŞ prezidentinə atıb və ona “al, bu da sənə vida öpüşü, köpək” deyə qışqırıb. Jurnalist dərhal həbs edilib və həmin vaxtdan Bağdadın yaxşı mühafizə olunan “Yaşıl zona”sındakı həbsxanada saxlanılır. CNN telekanalı əz-Zeydinin məktubundan sitatları efirə verib. Jurnalist yazır ki, o çox eybəcər və iyrənc hərəkət edib, bu hərkətinə görə bağışlanmağı xahiş etmək belə kifayət etmir. İspaniyanın “La Stampa” qəzeti isə yazıb ki, əz-Zeydinin qardaşı onun məktubunun məruz qaldığı işgəncələrin nəticəsi olduğunu deyib. Qardaşı bildirib ki, Müntəzir həbs ediləndən bəri işgəncələrə məruz qalır. Onun qabırğaları və əli sınıb. Bədənində çoxsaylı zədələr var. Lakin İraq məhkəməsinin nümayəndələri bu məlumatları təzib edərək deyirlər ki, jurnalistin vəziyyəti normaldır, yalnız o saxlanılarkən təhlükəsizlik xidmətinin əməkdaşlarının zərbələrinə məruz qalıb və bədənində bir neçə göyərmiş yer var. Əz-Zeydinin işinə gələn həftə baxılacağı gözlənilir. İraq rəsmiləri onun 15 ilə qədər həbs cəzası ala biləcəyini istisna etmirlər. Digər məlumatlara görə, jurnalist həqiqətən əməlindən peşman olub və azadlığa çıxmaq üçün bu məktubu yazıb. Təhlükəsizlik məsələləri üzrə ekspertlər isə hesab edirlər ki, insident zamanı ABŞ prezidentini qoruyan Məxfi Xidmətin əməkdaşları adekvat davranmayıblar. Türkiyənin keçmiş baş naziri Bülənt Ecevitin mühafizə xidmətinin rəisi, hazırda DSP-dən millət vəkili olan Recayi Birgün mətbuata açıqlamasında deyib ki, mühafizə xidmətinin birinci ayaqqabının Buş atılmasının qarşısını ala bilməməsini başa düşmək olardı. Lakin ikinci ayaqqabının atılması artıq mühafizə xidmətinin səhvidir. F.MƏMMƏDOV musavat

SEÇİLMİŞ XƏBƏRLƏR

Çox oxunanlar