Contact Us

SON XƏBƏRLƏR

Türk və erməni diplomatları gizli görüşürlər

2021.10.20, 07:36
Türk və erməni diplomatları gizli görüşürlər

Gunaz.tv
Türk və erməni diplomatları gizli görüşürlər ankara.jpg Nəsib Nəsibli: "Hər halda Türkiyə fəaliyyətini Azərbaycanla uzlaşdırır" "Türkiyə və Azərbaycan partiyaları arasında görüşlərin keçirilməsini dəstəkləyirəm" Türk mətbuatı Türkiyə və Ermənistan diplomatları arasında Avropa ölkələrinin birində gizli danışıqlar aparıldığı barədə məlumat yayıb. "Hürriyət" qəzeti danışıqların məğzində sərhədlərin açılmasının durduğunu yazıb. Qeyd edək ki, bu, anoloji yöndə yayılan ilk məlumat deyil. Bir müyddət əvvəl İsveçrədə, Cenevrə şəhərində belə danışıqların aparıldığı barədə informasiyalar türk mətbuatında yer almışdı. Bəs nə baş verir? Sabiq səfir Nəsib Nəsibli deyir ki, bu, çox normal taktikadır. Yəni bu təmas zamanı hansısa bir məsələ haqqında danışıla, bir problem ortaya qoyula bilər: "Türkiyə və Ermənistan arasında diplomatik əlaqələr yoxdur, amma onlar üçüncü tərəf vasitəsiylə, yaxud birbaşa üçüncü ölkədə danışıqlar apara bilərlər. Ramiz Mikayıloğlu İndi nə danışırlar, danışıqların mahiyyətini niyə demirlər, bu, başqa məsələdir". Nəsib Nəsibliyə görə, hər halda Türkiyə fəaliyyətini Azərbaycanla uzlaşdırır, uyğunlaşdırır. Ən azı rəsmi Bakıya həmin danışıqlarla bağlı məlumat verir: "Məncə, Türkiyənin fəaliyyətiylə bağlı ifrat şübhəli olmamalıyıq". Sabiq səfir bildirdi ki, ola bilər ki, Türkiyəylə Ermənistan arasında danışıqların bu raundu nəticəsiz qalsın: "Yaşayıb, görəcəyik". Nəsib Nəsibli son dövrlər Türkiyə və Ermənistan arasında müxtəlif səviyyələrdə görüşlərin, təmasların artmasıyla bağlı narahatlıq keçirən Azərbaycan parlamentində təmsil olunan partiyaların qardaş ölkənin Böyük Millət Məclisində yer alan siyasi təşkilatların nümayəndələriylə görüşmək yönündə təşəbbüsünə də toxundu. O hesab edir ki, belə təmaslar da lazımdır: "Bütün hallarda mən Azərbaycanla Türkiyə arasında əlaqələrin artmasının ən qatı tərəfdarıyam. O cümlədən hər iki ölkənin partiyaları arasında görüşlərin keçirilməsini, təmasların olmasını dəstəkləyirəm. Bunun yalnız xeyri var".

SEÇİLMİŞ XƏBƏRLƏR

Çox oxunanlar