Contact Us

SON XƏBƏRLƏR

TÜRKİYƏ GƏLƏN İL ERMƏNİSTANLA SƏRHƏDLƏRİ AÇA BİLƏR

2021.10.20, 07:36
TÜRKİYƏ GƏLƏN İL ERMƏNİSTANLA SƏRHƏDLƏRİ AÇA BİLƏR

Gunaz.tv
TÜRKİYƏ GƏLƏN İL ERMƏNİSTANLA SƏRHƏDLƏRİ AÇA BİLƏR “Hürriyet” qəzeti: “İki ölkə arasında gizli danışıqlar Avropa ölkələrindən birində davam edir” 264.jpg Türkiyə Ermənistanla intensiv danışıqlar aparır və gələn il bu ölkə ilə sərhədlərini aça bilər. Türkiyənin “Hürriyet” qəzetinin yazdığına görə, prezident Abdullah Gülün sentyabrın 6-da İrəvana səfərindən sonra iki ölkə arasında yaxınlaşma prosesi müsbət irəliləyişlərlə davam edir. “İki ölkə arasındakı gizli danışıqlar Avropa ölkələrindən birində davam edir. Həmin danışıqlarda sərhədlərin açılmasının detalları da müzakirə olunur” - deyə məlumatda bildirilir. Qəzetin yazdığına görə, Türkiyə ilə Ermənistan arasında sərhədin ümumi uzunluğu 325 kilometrdir. Sərhəd xəttində iki keçid məntəqəsi var. Bunlar Əlican quruyolu sərhəd keçid-məntəqəsi və Akyaka dəmir yol keçid məntəqəsidir. Akyaka dəmir yol keçid məntəqəsi Qars vilayətinin Akyaka qəsəbəsinə bağlıdır. Qarsın 66 kilometr məsafəsində olan bu məntəqədə dəmir yol keçidi ilə yanaşı, Ermənistana birləşdirilən kənd yolu da var. Bildirilir ki, danışıqlarda Türkiyə ilə Ermənistan arasında sərhədlərin açılmasının Dağlıq Qarabağ münaqişəsinin həllinə bağlanmasının düzgün olmadığı məsələsi qoyulur. Belə ki, Ermənistan iki ölkə arasındakı 1920-ci il gömrük və 1921-ci il Qars müqavilələrinin qüvvədə olması məsələsini qaldırır. Lakin Ermənistan bu günədək Türkiyəyə olan ərazi iddialarından rəsmən imtina etmir. Qəzet yazır ki, əgər qarşıdakı aylarda Ermənistan Türkiyə və Azərbaycanla münasibətləri yaxşılaşdırmaq üçün öz tərəfindən konstruktiv addımlar atsa, o zaman sərhədlərin gələn il açılması gündəmə gələ bilər. Lakin bunun üçün Ermənistan Azərbaycanın işğal edilmiş ərazilərindən çəkilməyi nəzərdə tutan sülh anlaşmasını qəbul etməli və Türkiyəyə qarşı ərazi iddiasının olmadığını rəsmən bəyan etməlidir: “Lakin Moskvanın Ermənistan və Azərbaycana yönələn yeni siyasi yanaşmaları olarsa, o zaman Qərbin dəstəklədiyi bu plan baş tutmaya bilər. Ayrıca olaraq Türkiyədəki azərbaycanlı diplomatların passivliyinə baxmayaraq, türk-erməni yaxınlaşması Bakını bu yaxınlaşmanı poza bilmək üçü Türkiyənin daxili siyasətində hərəkətə keçməyə məcbur edə bilər”. Siyasət şöbəsi musavat

SEÇİLMİŞ XƏBƏRLƏR

Çox oxunanlar