Samir Əsədli: “İran adlanan yerdə «Mən Türkəm» deyəni illərlə zindanlarda saxlayıblar, ailələrini təqib ediblər, sürgünə göndəriblər”

SON XƏBƏRLƏR

Samir Əsədli: “İran adlanan yerdə «Mən Türkəm» deyəni illərlə zindanlarda saxlayıblar, ailələrini təqib ediblər, sürgünə göndəriblər”

2021.10.20, 07:36

Gunaz.tv

“İranın repressiyaları nə İslama, nə də əxlaqa sığır” Samir Əsədli: “İran adlanan yerdə «Mən Türkəm» deyəni illərlə zindanlarda saxlayıblar, ailələrini təqib ediblər, sürgünə göndəriblər” Məlum olduğu kimi İranin fars şovinist rejimi Güney Azərbaycanda etnik siyasət apararaq Azərbaycan türklərinin haqq səslərini boğur. Belə ki, İranda baş verən son proseslər göstərir ki, milli düşüncə sahibləri zorakılığa məruz qalırlar. Məsələ ilə bağli “Bakı Təbriz” Araşdırmalar Mərkəzinin rəhbəri, VHP Siyasi Şurasının üzvü Samir Əsədli aşıqlama yayaraq bildirib: “Güneyli soydaşlarımızın on illərlə insan haqlarını kobud surətdə pozan İran İslam Respublikası son illər azərbaycanlılara qarşı repressiyalarını daha da gücləndirib. Milli baxışlarına görə Abbas Lisaninin həbsi və illərcə həbsdə saxlanması, ona və ailəsinə verilən görünməmiş işgəncələr, kiçik yaşlı övladlarının mənəvi və psixoloji basqı altında saxlanılması bütün beynəlxalq hüquq normalarına və insan haqlarına ziddir. Təbriz və Tehranda azərbaycanlı tələbələrin milli düşüncəyə görə kütləvi həbsi, onlara Azərbaycan dilində nəinki təhsil almaq, hətta danışmağın yasaq edilməsi İran əhalisinin yarısını təşkil edən 35 milyonluq azərbaycanlıya qarşı həqarət, insan haqlarına meydan oxumaq və öz vətəndaşlarına qarşı aqressiv repressiyadır». S.Əsədli deyib ki, bu azğınlaşmış rejim uşaq, qadın olmasına baxmayaraq öz hüquqlarını tələb edəni məhv etməyə çalışır: “ Belə ki, Güney Azərbaycanda milli hüquq və insan haqları uğrunda mübarizə aparan qadın hüquq müdafiəşisi Şahnaz Qulaminin qanunsuz həbsi buna sübutdur. Minlərлə Azərbaycan türkünü məhz öz hüquqlarını tələb etдикляриня görə, bu rejim həbs edib. Milli fəallarımıza insan ağlına gəlməyən formada zülümlər edib, işgəncə veriрlər. İllərlə “Mən Türkəm» deyəni zindanlarda saxlayıblar, ailələrini təqib ediblər, sürgünə göndəriblər”.Samir bəy daha sonра deyib: “Görün bu rejim nə qədər insafsızlıq edir. Milli fəal Əsgər Əkbərzadənin bozqurd işarəsinə görə 5 il həbs cəzasına məhkum edilməsi tamamilə şok bir olaydır və rejimin iç üzünü açıq formada göstərir. 23 yaşlı bu türk övladı 10 dəqiqə sürən və qapalı keçirilən məhkəmə prosesi nəticəsində Əfqanıstanla sərhədindəki Zahidan şəhərinə sürgün edilib. Nəyə görə, Boz Qurd işarəsinə görə. Bu sadəcə bir faktdır və illərcə bundan da ağır və dəhşətli məhkəmə prosesləri olub və оlur. Soydaşlarımızın sivil yolla özünümüsafiə imkanları beləcə məhv edilir”.S.Əsədli sonda «İslam» və «respublika» adına iddia edən İran rejimini bu insanlığa, dinə və əxlaqa sığmayan əməllərdən çəkinməyə çağırıb: «Bu repressiyaları kəskin şəkildə pisləyir və insan haqlarının heç bir ölkənin daxili işi olmadığını bir daha xatırlatmaqa İran rejimindən repressiyalara son qoymağı tələb edirik».

GUNAZ.TV

SON XƏBƏRLƏR