Türkiyədə azərbaycanlıların soyqrımı haqqında fotosərgi açılıb

SON XƏBƏRLƏR

Türkiyədə azərbaycanlıların soyqrımı haqqında fotosərgi açılıb

2021.10.20, 07:36

Gunaz.tv

Türkiyədə azərbaycanlıların soyqrımı haqqında fotosərgi açılıb

Xocalı soyqırımı və Quba rayonunda tapılan kütləvi məzarlığı əks etdirən fotoların yer aldığı sərgi dekabrın 19-na kimi davam edəcək Türkiyənin Yalova şəhərində Səbəbsiz Erməni İddiaları ilə Mübarizə dərnəyi şəhər bələdiyyəsi ilə birlikdə azərbaycanlılarının ermənilər tərəfindən soyqrıma məruz qalmasını əks etirən şəkillərdən ibarət fotosərgi təşkil edib. ANS PRESS-in Türkiyə mətbuatına istinadən verdiyi məlumata görə, sərginin açılışında Yalova bələdiyyə başçısı Barbaros Binisioğlu da çıxış edib. Bələdiyyə başçısı «ermənilərdən üzr istəyirəm» adlı kampaniyaya heç bir məna verə bilmədiyini və əsl soyqrımı ermənilərin törətdiyini bildirib. «Türkiyənin içindən erməniləri dəstəkləyən bu kampaniyanı qınıyıram». Nümayiş etdiriləcək fotolarda ermənilərin 1992-ci ilin fevral ayında Xocalıda törətdikləri vəhşiliklər, eləcə də 1918-ci ildə ermənilərin qətlə yetirdikləri azərbaycanlıların və yəhudilərin Qubada tapılmış kütləvi məzarlığı əks olunur. Əlliyə yaxın fotonun nümayiş etdirildiyi sərgi dekabr ayının 19-na kimi davam edəcək. Xocalı soyqırımı: 1992-ci il fevralın 25-dən 26-na keçən gecə Ermənistan silahlı dəstələri Xankəndidə yerləşdirilmiş Rusiyaya aid 366-cı motoatıcı alayının zirehli texnikası və hərbi heyətinin dəstəyi ilə azərbaycanlılar yaşayan Xocalı şəhərinə hücum edib. Hücumdan əvvəl, fevralın 25-i axşam çağından şəhər toplardan və ağırzirehli texnikadan şiddətli atəşə tutulmağa başlayıb. Nəticədə, şəhərdə yanğınlar baş verib və fevralın 26-sı səhər saat 5 radələrində şəhər tam alova bürünüb. Belə bir vəziyyətdə, erməni əhatəsində olan şəhərdə qalan, təqribən, 2500 nəfər əhali yaxınlıqda, azərbaycanlılar məskunlaşan Ağdam rayonunun mərkəzinə çatmaq ümidi ilə şəhəri tərk etməyə məcbur olublar. Ancaq bu niyyət baş tutmayıb. Xocalıda XX əsrin ən böyük faciələrindən biri baş verib. Əsas tərkibi milliyyətcə erməni olan həmin alay yerli əhalini amansızcasına qətlə yetirib, qadınları və az yaşlı uşaqları öldürüb. Bu faktlar mərhum telerepartyor Çingiz Mustafayevin çəkdiyi lentlərlə, sənəd və fotoşəkillərlə bir daha sübut olunub. Xocalı soyqırımı nəticəsində 613 nəfər həlak olub: uşaqlar - 63 nəfər; 8 ailə tamamilə məhv edilib; 25 uşaq hər iki valideynini itirib; 130 uşaq valideynlərindən birini itirib; 487 nəfər yaralanıb, 1275 nəfər əsir götürülüb, 150 nəfər itkin düşüb./ANS PRESS/

GUNAZ.TV

SON XƏBƏRLƏR