Contact Us

SON XƏBƏRLƏR

İSVEÇ ŞAHNAZ QULAMİYƏ AZADLIQ TƏLƏB EDİR

2021.10.20, 07:36
İSVEÇ ŞAHNAZ QULAMİYƏ AZADLIQ TƏLƏB EDİR

Gunaz.tv
İSVEÇ ŞAHNAZ QULAMİYƏ AZADLIQ TƏLƏB EDİR 6163.jpg Jurnalistlərin müdafiəsi təşkilatı olan “Sərhədsiz Reportyorlar” tanınmış azərbaycanlı jurnalist Şahnaz Qulaminin həbsindən narahat olduğunu bildirib. Təşkilatın saytında yayılan bəyanatda deyilir ki, Şahnaz Qulami son iki ayda həbs olunan ikinci veb yazarıdır. Bu təşkilat jurnalistlərin həbsini İran rejiminin ölkədəki tənqidçiləri susdurmaq cəhdi kimi qiymətləndirir və onların azad olunmasını tələb edir. Hazırda Təbriz həbsxanasında saxlanılan Şahnaz Qulami bir müddət öncə İslam İnqilabı Məhkəməsi tərəfindən “Dövlətçiliyə qarşı antitəbliğat”da təqsirli bilinərək 6 ay müddətinə azadlıqdan məhrum edilib. Haqqında belə bir qərarın çıxarılmasına isə onun yazıları səbəb olub. Şahnaz xanımın bir neçə il əvvəl atasını itirən 9 yaşlı qızı Həsna isə yardıma ehtiyacı olan əlil və xəstə nənəsinin ümidinə qalıb. Bu arada, xaricdə yaşayan bir qrup fəal Şahnaz Qulamini Müdafiə Komitəsini yaradaraq, onun qeyd-şərtsiz azadlığa buraxılmasını tələb ediblər. İsveçli millət vəkili, xanım Amineh Kakabaveh da Ş.Qulami ilə bağlı öz ölkəsinin Xarici İşlər Nazirliyinə müraciət edib. Xanım deputatın sorğusunu cavablandıran İsveç XİN başçısı isə ölkəsinin İranın bu davranışına sakit yanaşmayacağını bildirib. O, Şahnaz Qulaminin dərhal azadlığa buraxılmasını tələb edəcəklərini bildirib. İsveçin xarici işlər naziri İranın insan haqlarına və qeyri-fars millətlərinin hüquqlarına sayğı göstərmək məcburiyyətində olduğunu da dilə gətirib. Cavid TURAN musavat

SEÇİLMİŞ XƏBƏRLƏR

Çox oxunanlar