HİNDİSTAN AVİASİYASI PAKİSTANIN HAVA SƏRHƏDLƏRİNİ POZDU

SON XƏBƏRLƏR

HİNDİSTAN AVİASİYASI PAKİSTANIN HAVA SƏRHƏDLƏRİNİ POZDU

2021.10.20, 07:36

Gunaz.tv

HİNDİSTAN AVİASİYASI PAKİSTANIN HAVA SƏRHƏDLƏRİNİ POZDU Mumbay terror hücumundan sonra iki nüvə ölkəsi arasında hərbi gərginlik qalır

Pakistan Hərbi Hava Qüvvələrinin komandanlığı Hindistan aviasiyasının ölkənin hava sərhədlərini pozduğunu bəyan edib. “Assoşeyted press” agentliyinin xəbərinə görə, Kəşmir ştatında dünən səhər Hindistana aid hərbi təyyarələr sərhədi keçib və Pakistanın içərilərinə doğru 4 kilometrədək irəliləyib. İnsidentlə bağlı Pakistan hava qüvvələrinin iki təyyarəsi havaya qaldırılıb və Hindistan təyyarələri geri çəkilib. Məlumata görə, insidentlə bağlı Hindistan tərəfi məlumatlandırılıb, oradan bildirilib ki, təyyarələr səhvən sərhədi pozublar. Lakin daha sonra Hindistan hava qüvvələrinin rəsmisi Pakistan hava sərhədlərinin pozulması haqda xəbərləri təkzib edib. Hindistan HHQ-nin rəsmisi Maheş Upasani bildirib ki, bu məlumatlar həqiqətə uyğun deyil. Qeyd edək ki, Hindistanla Pakistan arasında münasibətlər Mumbay şəhərində törədilmiş terror hücumlarından sonra daha da gərginləşib. Hər iki ölkə öz qüvvələrini sərhədə cəmləşdirir. Rəsmi Dehli bəyan edir ki, bu terror hücumlarını Pakistanın xüsusi xidmət orqanları təşkil edib.

GUNAZ.TV

SON XƏBƏRLƏR