Contact Us

SON XƏBƏRLƏR

Rusiya Gürcüstan qəsəbəsinə girdi

2021.10.20, 07:36
Rusiya Gürcüstan qəsəbəsinə girdi

Gunaz.tv
Rusiya Gürcüstan qəsəbəsinə girdi article_1229168565.gif Avropa Birliyinin bölgədə fəaliyyət göstərən müşahidə heyəti də faktı təsdiqləyib QayNar: Gürcüstan yüzlərlə rus əsgərinin, birtərəfli müstəqil ərazi Cənubi Osetiya sərhəddinin yaxınlığında yerləşən mübahisəli qəsəbə Pereviyə girdiyini iddia etdi. "Qaynar.info"-nun "Reuters" xəbər agentliyinə istinadən verdiyi xəbərə görə, gercü yetkililər verdiyi açıqlamada, Pereviyə girən 500-600 rus əsgərinin ərazidə olan gürcü polislərini çıxardığını söylədi. Avqustun 8-də yaşanan məlum hadisələrdən sonra təmin olunan atəşkəs nəticəsində bölgədə fəaliyyət göstərən Avropa Birliyinin müşahidə heyəti rus əsgərlərinin qəsəbəyə girdiyini təsdiqləyib. Ancaq neçə nəfər olduqları barədə heç bir məlumat verməyib. Müşahidə heyətindən verilən açıqlamada, gürcü və rus yetkililər arasında görüş təşkil olunmasına çalışdıqlarını bildiriblər. Avropa Birliyi müşahidəçiləri ötən gecə ərazidən bəzi rus birliklərinin geri dönməsini uğur kimi qiymətləndirmişdi. Gürcüstan Xarici İşlər Nazirliyinin sözçüsü Şota Utiaşvili, rus əsgərlərinin Perevidə xidmət göstərən gürcü polislərini bölgədən çıxardığını söylədi. Utiaşvili, Avropa Birliyi səfirlərinin qəsəbəni ziyarət etməsinə icazə verilmədiyini açıqladı. Gürcüstandan müstəqilliyini elan edən Cənubi Osetiya və Abxaziyanın müstəqilliklərini tanıyan Rusiya olanlarla bağlı hələ ki, bir açqlama verməyib. //Rəşad Səfərov, QayNar

SEÇİLMİŞ XƏBƏRLƏR

Çox oxunanlar