Contact Us

SON XƏBƏRLƏR

Rusiya səfiri ölkəsinin Gürcüstana təcavüzünə haqq qazandırıb_MOSKVANIN ÇEÇENİSTANDA HƏRBİ ƏMƏLİYYATLAR KEÇİRMƏK HÜQUQU VAR İDİ

2021.10.20, 07:36
Rusiya səfiri ölkəsinin Gürcüstana təcavüzünə haqq qazandırıb_MOSKVANIN ÇEÇENİSTANDA HƏRBİ ƏMƏLİYYATLAR KEÇİRMƏK HÜQUQU VAR İDİ

Gunaz.tv
“MOSKVANIN ÇEÇENİSTANDA HƏRBİ ƏMƏLİYYATLAR KEÇİRMƏK HÜQUQU VAR İDİ” Rusiya səfiri ölkəsinin Gürcüstana təcavüzünə haqq qazandırıb 2315.jpg “Rusiya Cənubi Osetiyada öz vətəndaşlarını və sülhməramlılarını qoruyurdu”. Bu barədə Rusiyanın Bakıdakı səfiri Vasili İstratov dünən keçirdiyi mətbuat konfransında Rusiyanın Gürcüstandakı hərbi əməliyyatlarını şərh edərkən bildirib. Onun sözlərinə görə, Rusiya sülhməramlıları beynəlxalq sazişlərə əsasən Cənubi Osetiyada idilər və onlara hücum BMT Nizamnaməsinin 51-ci maddəsinə əsasən, “təcavüzdür”. Rusiyanın başqa dövlət sakinlərinə vətəndaşlıq verməsinin beynəlxalq hüquqa nə dərəcədə uyğun olması barədə suala cavabda səfir RF-nin vətəndaşlıq haqqında qanununa istinad edib. “Bu qanun keçmiş SSRİ vətəndaşlarının çox hissəsinin Rusiya vətəndaşlığı almasına imkan verib”, deyən səfir əlavə edib ki, elə bu əsasla Rusiya vətəndaşlığı Azərbaycan sakinlərinə də verilib. İstratov Gürcüstanın Cənubi Osetiyadakı əməliyyatları ilə Rusiyanın Çeçenistandakı hərbi əməliyyatlarının müqayisəsini düzgün saymayıb. Onun sözlərinə görə, Çeçenistanla bağlı orada rus qoşunlarının olmasına mane olacaq beynəlxalq sazişlər olmayıb: “Cənubi Osetiyada isə gürcü qoşunlarının mövcudluğu bir batalyonla məhdudlaşdırılıb”. Bu zaman səfir Çeçenistanda humanitar qəzanın miqyası ilə bağlı şərh verməyib. Rusiyanın ünvanına Gürcüstana qarşı qeyri-proporsional güc tətbiqi haqqında tənqidləri şərh edən İstratov suala sualla cavab verib: “Bəs Gürcüstanın Cənubi Osetiyaya qarşı gücü proporsional idi?” Səfir “Turan”ın Gürcüstanın Abxaziya və Cənubi Osetiyaya yüksək muxtariyyət statusu vermək haqqında təkliflərinin növbəti danışıqlar üçün baza ola biləcəyi barədə sualına birbaşa cavabdan yayınıb. Onun sözlərinə görə, “yeni vəziyyət” yaranıb və “Gürgüstanın və beynəlxalq ictimaiyyətin problemlərin həlli üçün hansı variantı seçəcəyini” gözləmək lazımdır. Rusiyanın Gürcüstanın MDB-dən çıxmaq çağırışı ilə bağlı Azərbaycandan hansı addımı gözlədikləri barədə suala cavabında isə səfir deyib ki, “hər bir ölkə hansı beynəlxalq birliyin tərkibində olması barədə özü qərar verir”. O, əlavə edib ki, şifahi bəyanatlar hələ ölkənin MDB-dən çıxması demək deyil. Bunun üçün MDB depozitarisinə rəsmi müraciət etmək lazımdır və yalnız bundan 12 ay sonra MDB tərk edilir. “Turan” musavat

SEÇİLMİŞ XƏBƏRLƏR

Çox oxunanlar