Contact Us

SON XƏBƏRLƏR

Gürcüstan Rusiyanın təkliflərini qəbul etdi

2021.10.20, 07:36
Gürcüstan Rusiyanın təkliflərini qəbul etdi

Gunaz.tv
Gürcüstan Rusiyanın təkliflərini qəbul etdi 20080813133204_1.jpg "Yeni Şərq"in Rusiya mətbuatına istinadən verdiyi məkumata əsasən, Gürcüstan prezidenti Mixail Saakaşvili Rusiya və Fransa prezidentləri tərəfindən hazırlanan gürcü-osetin münaqişəsinin nizamlanması üzrə təkliflər paketini qəbul edib. Bu barədə Tiflisdə səfərdə olan Fransa prezidenti Nikolya Sarkozi gürcü həmkarı ilə danışıqlardan sonra açıqlama verib. Sarkozi bildirib ki, sənəd tərəflərin güc tətbiq etməkdən imtinasını, humanitar dəhlizin açılmasını və Gürcüstan qoşunlarının daimi dislokasiya yerlərinə qayıtmasını ehtiva edir. Sakaşvili isə qeyd edib ki, Gürcüstanın xahişi ilə sənəddən Cənubi Osetiya və Abxaziyanın gələcək statusu ilə bağlı müddəa çıxarılıb: “Çünki bu, müxtəlif interpretasiyalara səbəb ola bilər”. Bu faktı təsdiqləyən Sarkozi bildirib ki, Rusiya prezidenti Dmitri Medvedev də bununla razılaşıb. Qeyd edək ki, dünən Rusiya və Fransa prezidentləri tərəfindən hazırlanan münaqişənin nizamlanması planı altı bənddən ibarət olub: 1) Güc tətbiqindən imtina etmək. 2) Hərbi əməliyyatları tamamilə dayandırmaq. 3) Humanitar yardıma tam şərait yaratmaq. 4) Gürcüstan qoşunlarının daimi dislokasiya yerlərinə qayıtması. 5) Rusiya qoşunlarının müharibə başlamamışdan əvvəl olduğu mövqelərə çəkilməsi. 6) Cənubi Osetiya və Abxaziyanın gələcək statusu və təhlükəsizliyinin təmin olunması ilə bağlı beynəlxalq müzakirələrin başlanması. Bütün bunları qeyd etdikdən sonraç tam sərbəst deyə bilərik - Saakaşvili və gürcülər məğlub oldular. Yeni Şərq 

SEÇİLMİŞ XƏBƏRLƏR

Çox oxunanlar