FRANSA PREZİDENTİ SABAH TİFLİSDƏ OLACAQ

SON XƏBƏRLƏR

FRANSA PREZİDENTİ SABAH TİFLİSDƏ OLACAQ

2021.10.20, 07:36

Gunaz.tv

FRANSA PREZİDENTİ SABAH TİFLİSDƏ OLACAQ

Avqustun 12-də Avropa Birliyinə sədrlik edən Fransanın prezidenti Nikola Sarkozi Gürcüstana səfər edəcək. Bu barədə Gürcüstan prezidenti Mixail Saakaşvilinin mətbuat xidməti açıqlama yayıb. Bu gün axşam isə Avropa Şurasının baş katibi Terri Devis və AŞ Nazirlər Komitəsinin sədri Karl Bildt Tiflisə gəlməlidir. Xatırladaq ki, Fransanın xarici işlər naziri Bernar Kuşner və ATƏT-in fəaliyyətdə olan sədri Aleksandr Stabb bu gün Tiflisdə Mixail Saakaşvili ilə görüşdükdən sonra Moskvaya yola düşüblər. /APA/ ------------------------------------------------------------------------ BTC VASİTƏSİLƏ İLƏ NEFTİN NƏQLİ KƏMƏRDƏ TƏMİR İŞLƏRİ BAŞA ÇATANDAN SONRA BƏRPA OLUNACAQ

Bakı-Tiflis-Ceyhan (BTC) əsas ixrac neft boru kəməri ilə neftin nəqli kəmərdə təmir işləri başa çatdırılandan sonra bərpa olunacaq. Bu barədə «BP-Azerbaijan» şirkətinin ictimaiyyətlə əlaqələr üzrə meneceri Tamam Bayatlı məlumat verib. «Türkiyənin «Botaş İnternational Limited» şirkətindən «BP-Azerbaijan»a bildirilib ki, bu gün səhər saatlarında yanğının qarşısı alınıb. Hazırda bir neçə gün yanan poladdan olan boru kəmərinin 30-cu siyirtmə qurğusunun soyudulması həyata keçirilir. Bundan sonra isə yanğının səbəbləri öyrəniləcək və təmir işlərinə başlanılacaq. Təmir işləri başa çatdıqdan sonra neftin nəqli bərpa olunacaq. Qeyd edək ki, avqustun 6-da səhər saatlarında BTC-nin Türkiyə hissəsində boru kəmərinin 30-cu siyirtmə qurğusunda yanğın baş verib. Baş verən yanğın nəticəsində kəmər vasitəsilə neftin nəqli dayandırılıb. /APA/

GUNAZ.TV

SON XƏBƏRLƏR