AKP KONSTİTUSİYANI YENİDƏN DƏYİŞDİRMƏYƏ HAZIRLAŞIR_Ölkədə siyasi gərginlik təzədən arta bilər

SON XƏBƏRLƏR

AKP KONSTİTUSİYANI YENİDƏN DƏYİŞDİRMƏYƏ HAZIRLAŞIR_Ölkədə siyasi gərginlik təzədən arta bilər

2021.10.20, 07:36

Gunaz.tv

AKP KONSTİTUSİYANI YENİDƏN DƏYİŞDİRMƏYƏ HAZIRLAŞIR Ölkədə siyasi gərginlik təzədən arta bilər

Türkiyədə hakim Ədalət və İnkişadf Partiyası ölkə konstitusiyasında yenidən bir sıra ciddi dəyişikliklər etmək üçün təkliflər hazırlayır. Mətbuatın yazdığına görə, yeni demokratikləşmə paketi adlandırılan dəyişikliklər paketi 40-dan çox maddəni əhatə edəcək. Qeyd edək ki, indiyədək hakim partiya yeni konstitusiya layihəsi üzərində müzakirələr aparmış, bu müzakirələr isə müxalifətlə hökumət arasında gərignlik yaratmışdı. Lakin bildirilir ki, bu dəfə AKP konstitusiyanı bütünlüklə dəyişmək əvəzinə ona bir sıra dəyişikliklər etməyi planlaşdırır. Bu dəyişikliklərə siyasi partiyaların bağlanmasını çətinləşdirən düzəlişlər də daxildir. Gözlənilir ki, hakim partiya hədəfə çatmaq üçün bu dəfə müxalifətlə də uzlaşma əldə etməyə çalışacaq. Bu məqsədlə parlamentdə xüsusi komissiya yaradılması və təkliflərin orada müzakirəyə çıxarılması nəzərdə tutulur. Dəyişiklik təkliflərində ən mühüm və qalmaqal yarada biləcək məqam isə Konstitusiya Məhkəməsinin üzvlərinin seçilməsi qaydalarına yenidən baxılmasıdır. Bundan əvvəl müxalifət ehtiyat edirdi ki, AKP həmin qaydaları dəyişməklə yüksək məhkəməni də nəzarət altına almağa çalışır. Lakin bildirilir ki, bu qaydalara yenidən baxmaq üçün Konstitusiya Məhkəməsinin özünün də rəyi nəzərə alınacaq. Dəyişikliklər paketinin ümumi hədəfi Avropa Birliyinə üzv olmaq yönündə demokratik islahatları dərinləşdirməkdir. Qərb mətbuatı isə yazır ki, əgər uzlaşma axtarılmasa, hakim partiyanın konstitusiyada yeni dəişikliklər etmək planı Türkiyədə siyasi gərginliyin yenidən artmasına təkan verə bilər. Bu dəyişikliklər məsələsində silahlı qüvvələrin yeni Baş Qərargah rəisi İlkər Başbuğun da mövqeyi önəmli rol oynayacaq. Qərb ekspertləri qeyd edir ki, indiyədək AKP Avropa Birliyinin tövsiyələri əsasında konstitusiyada və qanunlarda bir sıra dəyişikliklər edərək silahlı qüvvələrin siyasətə müdaxiləsini məhdudlaşdırıb. Lakin bu məsələdə hökumət və ordu üçün “qırmızı xətt” deyilən sərhəd var. Əgər AKP-nin yeni islahat paketinin Türkiyədə dünyəvi dövlət prinsiplərini müdafiə edən institutların zəiflədilməsinə yönəldiyi görünsə, o zaman dünyəvilik məsələsində prinsipial mövqeyə malik olan Başbuğun reaksiyası sərt olacaq. Siyasət şöbəsi musavat

GUNAZ.TV

SON XƏBƏRLƏR