BTC-də yanğın Azərbaycan neftinin ixracında fasiləyə səbəb olub

SON XƏBƏRLƏR

BTC-də yanğın Azərbaycan neftinin ixracında fasiləyə səbəb olub_Yanğın bu saatlara kimi davam edir

2021.10.20, 07:36

Gunaz.tv

BTC-də yanğın Azərbaycan neftinin ixracında fasiləyə səbəb olub Yanğın bu saatlara kimi davam edir

"Bakı-Tiflis-Ceyhan" neft kəmərinin Türkiyə hissəsində baş vermiş yanğın Ceyhan terminalından Azərbaycan neftinin ixracında fasiləyə səbəb olub. Çənlərdə son neft avqustun 7-də tankerlərə yüklənib. Yanğın bu saatladardək davam edir. Bu gün Türkiyənin enerji naziri Hilmi Gülər hadisə yerinə gəlib. Neft kəmərinin bərpa ediləcəyi tarix isə yanğın söndürüldükdən sonra müəyyən olunacaq. Qeyd edək ki, Bakı-Tiflis-Ceyhan boru xəttinin Türkiyə hissəsində avqustun 5-dən 6-a keçən gecə başlayan yanğını söndürmək hələ də mümkün olmayıb. Hazırda ərazidə müşahidə olunan yanğın tam nəzarətdə saxlanılır. Yanğının boruda olan neft yanıb qurtarana qədər davam edəcəyi bildirilir. Alovun ətrafdakı ərazilərinə çatmaması üçün xəttin ətrafında təhlükəsizlik tədbirləri görülüb. BP şirkətinin Türkiyə nümayəndəliyinin ictimaiyyətlə əlaqələr departamentinin rəhbəri Murat Lekomptun ANS TV-yə verdiyi məlumata görə, yanğınsöndürənlər hadisə yerindədirlər və bütün sutka boyu alovun söndürülməsinə çalışır. Murat Lekomptun sözlərinə görə, hadisənin baş vermə səbəbləri yanğın tam bitdikdən sonra müəyyənləşəcək və xəttdə təmir işləri yanğın tam söndürüldükdən sonra 10-15 gün ərzində aparılacaq. BP-Azərbaycan şirkəti hasil olunan neftin artıq alternativ marşrutlar - Bakı-Supsa və Bakı-Novorosiysk boru kəmərləri vasitəsilə ixracına və dəmir yolu ilə Gürcüstana daşınmasına başlayıb. Şirkətin mətbuat katibi Tamam Bayatlının sözlərinə görə, ixracın miqdarını artırmaq məqsədi ilə əlavə variantlar araşdırılır. Qeyd edək ki, Bakı-Tiflis-Ceyhan boru kəmərinin uzunluğu 1767 kilometrdir. Bir gün ərzində isə bu kəmər vasitəsilə 800 min barrelə qədər neft nəql olunurdu. /ANS TV/

GUNAZ.TV

SON XƏBƏRLƏR