Contact Us

SON XƏBƏRLƏR

Prezidentlər sentyabrda görüşə bilər_Xəzər İbrahim: "Münaqişə mərhələli yolla həll olunacaq"

2021.10.20, 07:36
Prezidentlər sentyabrda görüşə bilər_Xəzər İbrahim: "Münaqişə mərhələli yolla həll olunacaq"

Gunaz.tv
Prezidentlər sentyabrda görüşə bilər Xəzər İbrahim: "Münaqişə mərhələli yolla həll olunacaq" siyas.jpg Azərbaycan və Ermənistan prezientləri - İlham Əliyev və Sery Sarkisyan bu ilin sentyabr ayında Rusiyanın Pyatiqorsk şəhərində görüşə bilər. Bu barədə "Armenia Today" informasiya agentliyi məlumat yayıb. Hər iki prezident burada təşkil ediləcək MDB dövlət başçılarının qeyri-formal sammitinə dəvət alıb. Sammit çərçivəsində bir sıra ikitərəfli görüşlərin, o cümlədən də İlham Əliyev və Sery Sarkisyanın danışıqlar aparacağı istisna deyil. Dağlıq Qarabağ münaqişəsinin tənzimlənməsi ilə bağlı son vəziyyətə Xarici İşlər Nazirliyinin mətbuat katibi Xəzər İbrahim dünən keçirdiyi brifinqdə aydınlıq gətirib. O, danışıqlar masasında olan məsələlərə toxunub və deyib ki, münaqişə mərhələli yolla həll olunacaq. Belə ki, Ermənistan ordusunun bölmələri Azərbaycan ərazisindən çıxarılacaq, Azərbaycanın bütün məcburi köçkünləri doğma yerlərinə qayıdacaq və yalnız icmalar arasında normal münasibət qurulduqdan sonra Azərbaycanın ərazi bütövlüyü çərçivəsində Dağlıq Qarabağın statusu müəyyən ediləcək. Onun sözlərinə görə, hazırda hansısa irəliləyişdən danışmaq olmaz. "Hansısa irəliləyiş olsaydı, biz yeni şəraitdən danışa bilərdik. Hazırda belə bir şey yoxdur" - deyə o bildirib. Qeyd edək ki, ATƏT-in Minsk Qrupunun amerikalı həmsədri Metyu Brayza Moskvada verdiyi açıqlamada Ermənistanla Azərbaycan arasındakı danışıqlarda Dağlıq Qarabağ ətrafındakı rayonların azad olunması, bölgəyə sülhməramlı qüvvələrin yerləşdirilməsi və Dağlıq Qarabağın statusu ilə bağlı referendumun keçirilməsi məsələlərinin müzakirə olunduğunu bildirib. X.İbrahim Brayzanın açıqlamasını şərh etmək istəməyib. Onun sözlərinə görə, həmsədr adətən ya verdiyi açıqlamanı təkzib edir, ya da tam fərqli fikirlər söyləyir. "Bunu onun açıqlamalarının tarixçəsi də sübut edir"-deyə o qeyd edib. X.İbrahim rəsmi Bakının Cənubi Osetiya və Abxaziya münaqişələrinə də mövqeyini açıqlayıb. O bildirib ki, Azərbaycan birmənalı olaraq Gürcüstanın ərazi bütövlüyünü tanıyır və dəstəkləyir: "Biz bütün münaqişələrin sülh yolu ilə həllini istəyirik və bu mövqeyimiz həm ikitərəfli münasibətlər, həm də beynəlxalq təşkilatlar çərçivəsində daim dilə gətirilir". Elman BABAYEV

SEÇİLMİŞ XƏBƏRLƏR

Çox oxunanlar