Contact Us

SON XƏBƏRLƏR

İRANA VERİLƏN VAXT BİTDİ_Tehrandan isə səs çıxmır

2021.10.20, 07:36
İRANA VERİLƏN VAXT BİTDİ_Tehrandan isə səs çıxmır

Gunaz.tv
İRANA VERİLƏN VAXT BİTDİ Tehrandan isə səs çıxmır 16.jpg BMT Təhlükəsizlik Şurasının və Almaniyanın (“altılar”) İrana nüvə proqramları ilə bağlı yaranmış gərginliyin həlli üçün verdikləri təklifləri qəbul etməsi üçün qoyduqları müddət dünən başa çatıb. “Altılar”ın təklifinə əsasən İran zənginləşdirilmiş uran proqramlarını dayandırsa, ABŞ başda olmaqla Qərblə sərfəli əməkdaşlıq edə bilər. Bu təkliflər İrana bir çox güzəşt və stimullar da vəd edir. Cenevrədə İranın Ali Təhlükəsizlik Şurasının rəhbəri Səid Cəlili ilə aparılan danışıqlarda ilk dəfə ABŞ dövlət katibinin müavini Uilyam Berns də iştirak etmişdi. Həmin danışıqlar zamanı İrana təkliflərə cavabını bildirmək üçün 2 həftə vaxt verilib. Lakin dünənə olan məlumatlara görə, Tehran vaxtın bitməsinə baxmayaraq, təkliflərə hər hansı cavab verməyib. “Röyter” agentliyi Avropa Birliyinin təhlükəsizlik və xarici siyasət üzrə Ali nümayəndəsi Havyer Solananın ofisinə istinadən xəbər yayıb ki, İrandan heç bir cavab gəlməyib. Almaniyanın xarici işlər naziri Frank Valter-Ştaynmayer isə bildirib ki, İran vaxtın bitdiyini nəzərə alıb təkliflərə münasibətini açıqlamalıdır. “Bizim təkliflərimiz tez və aydın cavab tələb edir” deyə o bildirib. Bununla belə diplomatik mənbələrdən məlum olub ki, Avropa Birliyi vaxtın başa çatmasına baxmayaraq, gərginliyi artırmamağa və daha bir neçə gün gözləməyə çağırır. Lakin ABŞ təkliflərə cavab verilməsi məsələsində sərt mövqe tutur. Dövlət katibi Kondoliza Rays bugünlərdə bildirib ki, İran vaxtı uzatmaqdan əl çəkib təkliflərə cavab verməlidir. Əks halda daha sərt sanksiyalarla qarşılaşacaq. ABŞ-ın Bakıdakı səfiri Enn Dersi də “Yeni Müsavat”ın ötən sayında dərc edilmiş məqaləsində ölkəsinin təkliflərin qəbul edilməyəcəyi halda İrana əlavə sanksiyalar tətbiq edəcəyini bildirib. İranda isə bəyan edirlər ki, onlar nüvə proqramlarından bir addım da geri çəkilməyəcəklər. Xarici işlər naziri Mənuçöhr Möttəki müddətin başa çatması ilə əlaqədar bildirib ki, İran ultimatumlar və son müddət barədə şərtləri qəbul etmir. Siyasət şöbəsi musavat

SEÇİLMİŞ XƏBƏRLƏR

Çox oxunanlar