Contact Us

SON XƏBƏRLƏR

ABŞ təkzib edir_Karaciçlə sövdələşmə olmayıb

2021.10.20, 07:36
ABŞ təkzib edir_Karaciçlə sövdələşmə olmayıb

Gunaz.tv
ABŞ təkzib edir "Karaciçlə sövdələşmə olmayıb" ag-ev.jpg Bosniya Müsəlmanları Assosiasiyasının vəkili Frensis Boylın rəyinə görə, 1990-cı illərin ortalarında ABŞ Dövlət Katibinin keçmiş köməkçisi Riçard Holbruk Haaqa tribunalı tərəfindən səkkiz min Srebrenits sakininin öldürülməsində ittiham olunan Bosniya serblərinin eks-lideri Radovan Karaciç ilə əlbir olub: "Bütün faktlar Holbrukun keçmiş Yuqoslaviya ərazisində baş verən müharibə zamanı Karaciçə hərbi cinayətin törədilməsində hər cür yardım göstərdiyindən xəbər verir". İTAR-TASS informasiya agentliyinin verdiyi məlumata görə, ABŞ Dövlət Departamenti bu məlumatı təkzib edib. Dövlət Departamentinin rəsmi nümayəndəsi Şon Makkormakın bildirdiyinə görə, Holbruk Karaciçlə heç bir sövdələşmə bağlamayıb. "İnterfaks" agentliyi isə xəbər verir ki, Bosniya serblərinin keçmiş liderinin qardaşı Luka Karaciç Radovan Karaciçin ABŞ prezidentinin Balkanlardakı xüsusi nümayəndəsi Holbruk ilə əvvəllər razılaşmanın mövcud olduğunu təsdiq edib. Amerikalı hüquq müdafiəçisi Boyl Karaciçin bəyanatında həqiqətin olduğuna əmindir: "Əlbəttə, mən Holbruk və Karaciç arasında baş tutan hansısa gizli danışıqlarda şəxsən iştirak etməmişəm. Lakin bütün faktlar, sözsüz ki, Holbrukun keçmiş Yuqoslaviya ərazisində hərbi cinayətlərə dəstək göstərməsindən xəbər verir". Boylın sözlərinə görə, Karaciçin bosniyalılara qarşı törətdiyi cinayət, soyqırım və etnik təmizləmədə Holbrukun da əli var: "Holbruk cinayət yoldaşı kimi Karaciç ilə birgə hərbi tribunala verilməlidir". Bundan əlavə, hüquq müdafəçisi əmindir ki, bu ittihamları Butros Butros-Qali, Kofi Annan, Yasusi Akasi, Devid Ougn, Torvald Stoltenberq və Karl Bildtə qarşı da irəli sürmək olar. Boylın fikrincə, Karaciçin məhkəmədə özünü müdafiə etməyi planlaşdırması yuxarıda adları çəkilən şəxslər və onların "sahibləri" üçün olduqca təhlükəlidir və heç kim onu bu insanlara qarşı ittihamlardan və sübutlardan saxlaya bilməz: "Mən müştərilərim - "Srebrenits anaları" Təşkilatı adından bu insanlara qarşı yeni informasiyalardan istifadə etmək üçün hərbi cinayətlərin təhqiqatını diqqətlə izləycəyəm". xalqcebhesi

SEÇİLMİŞ XƏBƏRLƏR

Çox oxunanlar