Türkiyədə hakim partiya hicab məsələsindən çəkilibmi?

SON XƏBƏRLƏR

Türkiyədə hakim partiya hicab məsələsindən çəkilibmi?

2021.10.20, 07:36

Gunaz.tv

Türkiyədə hakim partiya hicab məsələsindən çəkilibmi?

Bir sıra xarici xəbər agentliklərinin yaydığı məlumata görə Türkiyənin hakim partiyası Konstitusiya Məhkəməsinin məngənəsindən çıxan kimi sensasiyalı bəyanat verib. Həmin xəbər agentlikləri baş nazirin yerli NTV telekanalına müsahibəsinə istinadən bildirirlər ki, hakim partiya innən belə baş örtüyü məsələsinin onun gündəliyində olmadığını açıqlayıb. Xarici ekspertlər bu addımı həm də onunla əlaqələndirirlər ki, AK partiya ilə bağlı Konstitusiya Məhkəməsində 3 gün davam edən müzakirələr zamanı partiyanın bağlanması tərəfdarı olan hakimlərin ən ciddi arqumentləri partiyanın hicabla bağlı mövqeyi olub. Lakin bir sıra Türkiyə müxbirləri bildirirlər ki, məsələ təqdim olunduğundan daha mürəkkəbdir və hicab məsələsində hakim partiyanın geriyə çəkildiyini söyləmək hələ tezdir. Baş nazirin müavini Cəmil Çiçək, hakim Ədalət və İnkişaf Partiyasının hicabla bağlı mövqeyinə müəyyən qədər aydınlıq gətirib. Cəmil Çiçəyin sözlərini qısa şəkildə təqdim edən bəzi kütləvi informasiya vasitələrinin xəbərləri ilk baxışda hakim partiyanın mövqeyində müəyyən dəyişiklik olduğu haqqında təəssüurat yaratsa da, NTV kanalına müsahibə verən Cəmil Çiçəyin məsələylə bağlı suala ətraflı cavabı göstərir ki, AK partiyanın baş örtüyü məsələsində asanlıqla geri çəkiləcəyindən danışmaq hələ tezdir. AK partiyanın gündələyində hicab məsələsinin olmadığını bildirən Cəmil Çiçək qeyd edib ki, hakim partiyanın adı ilə əlaqələndirilən bir çox məsələ AKP-nin iktidara gəlməsindən əvvəl uzun illər boyu həll edilmədiyi üçün gündəlikdə qalıb. Gündəlikdə qaldıqca da bütün təbəqələr o məsələlər haqqında danışır. Cənab Çiçəyin fikrincə, Türkiyədə məqalə yazan jurnalistlər arasında bu mövzuya toxunmayan qələm adamı tapmaq mümkün deyil. Hicab məsələsini müzakirə etməyən heç bir siyasi partiya da yoxdur. Cəmil Çiçək qeyd edib ki, Məhkəmənin hicabla bağlı Konstitusiya dəyişikliyini ləğv etməsindən sonra qərarın qəbul edilməsində istinad edilən əsaslar hələ dərc edilmədiyi üçün, hicab məsələsi istər istəməz AKP-nin gündəliyində ola bilməz. Ancaq Baş nazirin müavini əlavə edib ki, bu məsələlər AK partiyanın gündəliyində olsa da, olmasa da cəmiyətin gündəliyində qalır. Bəzi müşahidəçilər hesab edirlər ki, partiyasının gündəliyində hicab məsələsinin olmadığını deyən Çiçək, bu məsələnin Türkiyə cəmiyəti üçün hələ də problem olaraq qaldığını qeyd etməklə, nə vaxtsa məsələyə qayıdacaqlarına işarə edib. bbc

GUNAZ.TV

SON XƏBƏRLƏR