BTQ qatarı yola düşüb_Bu layihə artıq Avropa və Asiyanın maraq dairəsindədir

SON XƏBƏRLƏR

BTQ qatarı yola düşüb_Bu layihə artıq Avropa və Asiyanın maraq dairəsindədir

2021.10.20, 07:36

Gunaz.tv

BTQ qatarı yola düşüb "Bu layihə artıq Avropa və Asiyanın maraq dairəsindədir"

Türkiyədə Bakı-Tiflis-Qars (BTQ) dəmiryolunun təməlqoyma mərasimindən sonra Ermənistan və Rusiya bu layihədən narahat olduqlarını açıq şəkildə ortaya qoymağa başlayıblar. Müttəfiqlər BTQ-ni rentabelli layihə saymamaqla bərabər, dəmiryolunun gələcək perspektivinə də şübhə ilə yanaşırlar. "Atlas" Araşdırmalar Mərkəzinin rəhbəri Elxan Şahinoğlu BTQ dəmiryolu layihəsinin işə düşməsinin açıq şəkildə Ermənistanın iqtisadi vəziyyətini daha da ağırlaşdıracağını proqnozlaşdırır. Ekspert bundan əvvəlki layihələrdə olduğu kimi BTQ-nin də reallaşmasında sözügedən ölkələrin müəyyən təzyiqlərinin olduğunu xatırlatdı. Tural "Artıq bir reallıq var ki, bu da Azərbaycan, Gürcüstan və Türkiyə əməkdaşlığının getdikcə gücləndirilməsidir. Gələcəkdə bu nəqliyyat dəhlizi ilə böyük miqdarda yük və sərnişin daşınacaq. Bu isə Azərbaycanın iqtisadi vəziyyətinə xeyli təsir edəcək. Bunun ən önəmli tərəflərindəni biri isə BTQ dəmiryolu vasitəsilə yüklərin daşınması imkanının Çindən Avropa ölkələrinə qədər əhatə etməsi olacaq". Elxan Şahinoğlu qısqanc münasibətə baxmayaraq artıq Rusiyanın da bu layihəyə qoşulması məsələsinin gündəmə gəldiyini söylədi. Çünki Moskvanın Türkiyə ilə birbaşa dəmiryolu xətti də yoxdur. Onun sözlərinə görə, ümumiyyətlə, Ermənistanla Rusiya mətbuatında BTQ-nin rentabelli layihə olmaması barədə səsləndirilən fikirlər absurddur. İrəvanın regional layihələrdən kənarda qalması isə bu ölkənin daxilində də ciddi narazılıqlar yaradır: "Hətta Ermənistanın BTQ-dən öncə həyata keçən digər layihələrə qoşulmaması və nəticədə bu ölkənin bölgədəki siyasi rolunun zəifləməsi İrəvanı dünyanın maraq nöqtəsindən də uzağa atıb. Bu gün Azərbaycan BTQ kimi layihələrə rəhbərlik etməklə həm də özünün siyasi çəkisini artırır. Hətta "Nabucco" kimi nəhəng layihənin həyata keçəcəyi təqdirdə Bakının Avropaya müəyyən məsələlərdə təsir etmək imkanları olacaq. Qısası Rusiya və Ermənistan BTQ-də perspektiv görməyə bilər. Çünki bu ölkələr sözügedən layihələrdən kənarda qalıblar. Amma bu dəmiryolu layihəsinin uğurlu fəaliyyətinə İrəvanla Moskvanın təsir imkanları yoxdur. Layihə artıq reallaşıb və BTQ-nin tam gücü ilə fəaliyyət göstərməsi Avropa ilə yanaşı, Asiyanın da marağındadı. Bu mənada sözügedən layihəyə qarşı çıxmaq və müəyyən təxribatlar törətmək təkcə Azərbaycan və ya digər iştirakçı ölkələrə qarşı deyil, ümumilikdə bu iki qitəyə qarşı çıxmaq deməkdir". xalqcebhesi

GUNAZ.TV

SON XƏBƏRLƏR