ABŞ KONQRESİNDƏ AZƏRBAYCANA DAİR DİNLƏMƏLƏR KEÇİRİLDİ

SON XƏBƏRLƏR

ABŞ KONQRESİNDƏ AZƏRBAYCANA DAİR DİNLƏMƏLƏR KEÇİRİLDİ

2021.10.20, 07:36

Gunaz.tv

ABŞ KONQRESİNDƏ AZƏRBAYCANA DAİR DİNLƏMƏLƏR KEÇİRİLDİ Toplantıda prezident seçkiləri və insan haqlarına dair məsələlər müzakirə olunub

Dünən ABŞ Konqresinin ATƏT-lə əməkdaşlıq üzrə Helsinki Komissiyasında Azərbaycanla bağlı dinləmələr keçirilib. Komissiyanın həmsədrləri konqresmen Alis Hastinq və senator Bencamin Kardinin təşəbbüsü ilə keçirilən dinləmələrə bir sıra nüfuzlu senatorların, Konqres üzvlərinin və aparıcı mütəxəssislərin qatılacağı gözlənilirdi. Komissiyanın internet saytında yerləşdirilən mətbuat üçün açıqlamada deyilir ki, sürətlə inkişaf edən iqtisadiyyata malik olan Azərbaycan hazırda enerji diversifikasiyası baxımından mühüm rol oynayaraq Amerika ilə sıx əlaqələr saxlamaqdadır. Lakin qarşıdan gələn prezident seçkiləri ərəfəsində ATƏT, Avropa Şurası və bir sıra digər qurum və təşkilat bu ölkədə demokratiya sahəsində nöqsanların olduğunu qeyd edirlər. Tənqidlər əsasən insan haqları, mətbuat azadlığı və siyasi məhbuslarla bağlıdır. Məlumatda göstərilir ki, dinləmələrə ABŞ hökuməti adından dövlət katibinin insan haqları və demokratiya məsələləri üzrə müavini David Kremer, “Freedom House” təşkilatının icraçı direktoru Kristofer Uolker, Azərbaycanın ABŞ-dakı səfiri Yaşar Əliyev də dəvət ediliblər. 1976-cı ildə təsis edilmiş və qeyri-rəsmi olaraq Helsinki Komissiyası adlandırılan Avropa ilə Təhlükəsizlik və Əməkdaşlıq üzrə Komissiya hökumətin strukturuna daxil olan ayrıca qurumdur. 9 senat, 9 konqres və bir sıra mühüm nazirliklərin nümayəndələrindən ibarət olan komissiya Avropa ilə münasibətlərin qurulmasında hökumətə məsləhət və tövsiyələr vermək səlahiyyətinə malikdir. Komissiya bu dinləmələri Azərbaycanda prezident seçkilərinin yaxınlaşdığı bir vaxtda ölkədə insan haqları və demokratiya, söz azadlığı kimi mühüm məsələlərlə bağlı narahatlıqlarla bağlı təşkil edib. Konqres yaxın günlərdə tətilə gedəcəyinə görə Helskinki Komissiyası Azərbaycandakı prezident seçkiləri ərəfəsində dinləmələr keçirmək üçün başqa uyğun vaxt olmayacağını hesab edib. Helskinki komissiyasının mövqeyi qanun qüvvəsi daşımasa da, ABŞ hökuməti üçün tövsiyə xarakteri daşıyır. Həmçinin komissiya müstəqil institut kimi ATƏT-in mövqeyinə təsir etmək imkanındadır. Dinləmələr Bakı vaxtı ilə gecə saatlarına təsadüf etdiyinə görə onun təfərrüatları barədə növbəti sayımızda məlumat verəcəyik. Siyasət şöbəsi musavat

GUNAZ.TV

SON XƏBƏRLƏR