Misirlə İranın cəsus problemi

SON XƏBƏRLƏR

Misirlə İranın cəsus problemi

2021.10.20, 07:36

Gunaz.tv

GünAz TV: Mübarək hakimiyyətinin başa çatmasından sonra yaxşılaşma meylləri müşahidə edilən Misir-İran münasibətlərində son həlqəni cəsus problemi təşkil etdi.

Mayın 29-da əvvəlcə Misirdə İranlı bir diplomatın həbs olunduğuna, daha sonra isə azad edildiyinə dair məlumatlar yayıldı. Misirin dövlət agentliyinin (ajansının) yaydığı məlumatlara görə Misir hökuməti bir neçə gün əvvəl İran üçün cəsusluq fəaliyyəti ilə məşğul olduğu iddiası ilə İranlı bir diplomatı həbs etdi. Qasım Hüseyni adlı İranlı diplomat Misirli prokurorlara (dadistanlara) ifadə verdi. İstintaq presisinin (gedişat) gedişində İran Misir Xarici İşlər Nazirliyinə müraciət etdi. Öz növbəsində Misir Xarici İşlər Nazirinin prosesə müdaxiləsi nəticəsində İranlı diplomat sərbəst buraxıldı. Rəsmi İan isə, Hüseyninin həbs olunduğunu ümumiyyətlə yalanladı və onun Qahirədəki İran nümayəndəliyində işinə davam etdiyini iddia etdi.

Xatırladaq ki, Misir və İran, 1979-cu il inqilabı və Misir-İsrail münasibətlərinə görə diplomatik münasibətlərini kəsiblər. İki ölkə qarşılıqlı olaraq digərinin paytaxtında sadəcə aşağı səviyyədə nümayəndəliklə təmsil olunur. 2010-cu ilin oktyabrından etibarən iki ölkə arasında birbaşa təyyarə səfərləri bərpa edilib. Misirdə Hüsnü Mübarək rejiminin devrilməsindən sonra isə münasibətlər daha da istiləşməyə başlayıb. Misir bu istiqamətdə niyyətini bəyan edib və dərhal İrandan müsbət cavab alıb. İran Xarici İşlər Naziri Əli Əkbər Salehi İran və Misirin “regionda sülhü bir yerdə gücləndirə biləcəklərini” açıqlayıb. İki ölkə rəhbərliyinin cəsus qalmaqalını böyütmdən həll etməyə çalışdıqları müşahidə olunur. Amma bütün hallarda cəsus qalmaqalı iki ölkə arasında inamın zəifliyini və xoşməramlılığın yüksək səviyyəli olmadığını göstərir. Bu isə öz növbəsində münasibətlərin yaxşılaşması prosesinə öz mənfi təsirini göstərəcəkdir. Araztm

GUNAZ.TV

SON XƏBƏRLƏR