Contact Us

SON XƏBƏRLƏR

Amerika konqresmenləri Azərbaycanı təbrik etdilər

2021.10.20, 07:36
Amerika konqresmenləri Azərbaycanı təbrik etdilər

Gunaz.tv

GünAz TV:  Azərbaycan Demokratik Respublikasının (Cümhuriyyətinin) yaranmasının 93-cü ildönümü münasibətilə, ABŞ (Amerika Birləşmiş Ştatları) Konqresinin üzvləri Bill Şuster və Virciniya Foks ABŞ Nümayəndələr Palatasında təbrik bəyanatları ilə çıxış ediblər.

 

Azərbaycanın ABŞ-dakı Səfirliyinin mətbuat xidmətinin APA-ya verdiyi məlumata görə, konqresmen Bill Şuster ABŞ şirkətlərinə Xəzərin enerji resurslarını (mənbələrini) hasil etmək imkanının ilk dəfə Azərbaycan tərəfindən yaradıldığını və Azərbaycanın indi qlobal (kürəsəl) enerji təhlükəsizliyində əsas oyunçuya çevrildiyini qeyd edib. “Cənubi Qafqaz bölgəsinin inkişafına təkan verən ən uğurlu layihə olaraq, Bakı-Tbilisi-Ceyhan neft kəməri Xəzər dənizinin karbohidrogen resurslarını ABŞ-a və Avropadakı tərəfdaşlarımıza çatdıran əsas arteriya (şərəyan) rolunu oynamaqdadır. Vurğulamaq lazımdır ki, Azərbaycan 2009-cu ildə İsrailin idxal etdiyi xam neftin 1/4-ni təmin etmiş və ABŞ-ın dəstəklədiyi “Nabukko” qaz kəməri üçün hazırda əsas potensial təchizatçı hesab olunur”, - deyə konqresmen bildirib.

 

Öz bəyanatında Virciniya Foks deyib ki, Rusiya ilə İran, Avropa ilə Asiya arasındakı strateji bölgədə yerləşən Azərbaycan sabit və dünyəvi dövlət olaraq, dünyanın bu hissəsində müsəlman, yəhudi və xristianların (məsihilərin) dinc şəraitdə birgə yaşadıqları azsaylı yerlərdən biridir. “Azərbaycan son 20 ildə böyük inkişaf yolu keçmiş və strateji cəhətdən önəmli bir bölgədə ABŞ-ın əsas müttəfiqinə çevrilib,” – deyə konqresmen qeyd edib. “ABŞ-Azərbaycan tərəfdaşlığı ümumi dəyərlərə və vahid məqsədlərə əsaslanaraq, regional (bölgəsəl) təhlükəsizliyin əsas komponentini (hissəsini) özündə ehtiva edir. Azərbaycana etdiyi son səfəri zamanı Müdafiə Naziri Robert Qeytsin qeyd etdiyi kimi, Azərbaycan ABŞ və NATO-nun Əfqanıstandakı əməliyyatlarına çoxşaxəli dəstək göstərir və Əfqanıstana quru və dəniz vasitəsilə göndərilən yüklərin təxminən 25%-nin tranzitini təmin edərək, Şimali Bölgü Şəbəkəsinin əsas hissəsini təşkil edir,” - deyə Foks əlavə edib.

 

Qeyd etmək lazımdır ki, konqresmen Bill Şuster ABŞ Konqresindəki “Azərbaycan üzrə İşçi Qrup”un həmsədri, konqresmen Virciniya Foks isə həmin qrupun üzvüdür.

SEÇİLMİŞ XƏBƏRLƏR

Çox oxunanlar