Gürcüstanda mitinqin dağıdılması vaxtı iki nəfər ölüb

SON XƏBƏRLƏR

Gürcüstanda mitinqin dağıdılması vaxtı iki nəfər ölüb - Video Görüntü

2021.10.20, 07:36

Gunaz.tv

GünAz TV: Daxili İşlər Nazirliyinə istinadən hökumət evi qarşısındakı paradın keçirilməsinə mane olacaq icazəsiz mitinqin dağıdılması vaxtı ölənlərdən biri polis əməkdaşı olub.

Polislə toqquşma vaxtı 37 adamın xəstəxanaya müraciət etdiyi bildirilir.

Hakimiyyət bildirir ki, ölənlər sübh tezdən başlayan polis əməliyyatından sonra hadisə yerini tərk etməyə tələsən müxalifət liderlərinin kortejindəki (maşın karvanı) maşınla vurulub.

Yerli televiziya ilə yayımlanan kadrlar kortejin keçdiyi vaxtı adamın yerə yıxıldığını təsvir edir.

Gün Az TV mətbuat mərkəzinin BBC-yə istinadən yaydığı məlumata görə, Müxalifət aksiya iştirakçılarına (yürüş iştirakçılarına) qarşı qeyri-adekvat (qeyri-münasib) gücün işlədildiyini bildirib.

Bundan əvvəl müxalifət lideri – sabiq spiker (parlament sədri) Nino Burcanadzenin oğlunun həbs olunması xəbər verilmişdir. Lakin bir qədər sonra onun azad edildiyi barədə məlumat daxil olub.

Mitinqin təşkilatçılarından olan sabiq hərbi prokuror (hərbi dadistan) və keçmiş təhlükəsizlik nazirinin yeri barədə məlumat verilmir.

Daxili İşlər Nazirliyi onların həbsdə olmadığını bildirib.

Mitinqdən əvvəl paytaxt meriyası (bələdiyyəsi) xəbərdalıqla çıxış edərək aksiyanın mayın 25-nin axşamınadək icazəli olduğunu xatırladıb.

BBC müxbiri Nina Axmetelinin xəbərində deyilir ki, parlament qarşısında toplaşanlar mayın 26-da keçəcək müstəqillik paradına mane olacaqlarını gizlətməyiblər.

Paradın keçəcəyi tribunadan tərəfdarlarına müraciət edən sabiq spiker Nino Burcandaze meydanda qalmağa səsləyib.

Tbilisidəki təhlilçilərə görə getdikcə reytinqini itirmək üzrə olan "radikal" müxalifət daxili mübahisələr üzündən hökumətin səhvləri ilə faydalanaraq küçələrə kifayət qədər adam çıxara bilməyib.

GUNAZ.TV

SON XƏBƏRLƏR