Mahmud Əhmədinejada suiqəsd edildi?

SON XƏBƏRLƏR

Mahmud Əhmədinejada suiqəsd edildi?

2021.10.20, 07:36

Gunaz.tv

GünAz TV: Mayın 24-ü səhər saatlarında İran Prezidenti Mahmud Əhmədinejad Abadan şəhərinin neftayırma zavodunda (palayişqah) yeni benzin istehsalı bölməsinin açılışını edən zaman zavodda partlayış və yanğın baş verib.

Partlayış nəticəsində ölən və yaralananlar olub. Partlayışın güclü olmasına baxmayaraq prezident Əhmədinejad və onu müşayiət edən nümayəndə heyəti heç bir xəsarət almayıb. İran prezidenti və onu müşayiət edən nümayəndə heyəti zavodun və onun nəzdində 220 meqavatlıq elektrik yarım stansiyasınınn (niruqahının) açılışını sona çatdırıblar.

İranın Mehr xəbər agentliyinin (ajansının) məlumatına əsasən partlayışın səbəbi zavodun bölmələrindən birində qaz sızması olub. Olən və yaralananların əksəriyyəti də qaz və zəhərli maddələrdən zəhərləniblər. Məlumata görə hadisə zamanı 5 nəfər həlak olub və 25 nəfər isə yaralanıb. Yanqının qarşısı alınsa da zavodda bərpa işləri 15 gün vaxt aparacaq.

Abadan neftayırma zavodunun genişləndirilməsi layihəsi İran daxili benzin və digər neft məhsullarının istehsalını artırmaq və daxili ehtiyacları ödəmək məqsədi daşıyır. Bu zavodda 93-oktanlı benzin, probolin, kükürd və sənaye qazları istehsal olunacaq. Zavodun indiki istehsal gücü gündəlik 430 min barieldir. Lakin genişləndikdən sonra bu miqdar gündəlik 45 min bariel artırılacaq. Bununla da daxili istehlak üçün gündəlik 4.5 milyon litr benzin istehsal olunacaq.

İran mətbuatı partlayış barədə geniş məlumat verməsə də, bu hadisə millət vəkillərinin diqqəti mərkəzindədir. Belə ki, vəkillərdən bəzisi partlayışın səbəbini vaxtından əvvəl açılışı ilə izah edirlər. Parlamentin Enerji komissiyasının sədri Həmidrza Katoziyan bildirib ki, yetkililər əvvəlcədən də bildirmişdilər ki, zavodun məlum bölməsinin vaxtından əvvəl açılışı təhlükəli ola bilər. Katoziyan hadisənin qəsdən törədilməsi faktorunu qətiyyətlə təkzib edir. Bəzi təsdiq olunmamış məlumatlarda bildirilir ki, zavodun baş direktoru təhlükəni əvvəlcədən bildirərək açılış mərasimində etiraz əlaməti olaraq iştirak etməyib. Araztm

GUNAZ.TV

SON XƏBƏRLƏR