AMAT və GAİP birgə informasiya kompaniyası keçiriblər

SON XƏBƏRLƏR

AMAT və GAİP birgə informasiya kompaniyası keçiriblər - Video Görüntü

2021.10.20, 07:36

Gunaz.tv

GünAz TV: 2011-ci il may ayının 22-də Stokholmun mərkəzi meydanı olan Sergelstorgi meydanında 1 Xordad Qiyamının ildönümü ilə bağlı informasiya kompaniyası keçirilmişdir.

Bu informasiya kompaniyası Azərbaycan Milli Azadlıq Təşkilatı (AMAT) və Güney Azərbaycan İstiqlal Partiyasının ( GAİP) birgə təşəbbüsü ilə həyata keçirilmişdir. Güneydə Milli Qiyam zamanı fars rejimi tərəfindən şəhid olan və yaralanan güney azərbaycanlıların və həmçinin zindanda olan siyasi məhbusların foto şəkillərindən ibarət sərgiləri yaradılıb nümayiş etdirilmişdir. Bundan əlavə, adı gedən təşkilatların İsveç dilində hazırladığı Güney Azərbaycanın bu günkü durumu ilə bağlı bülleten çoxlu sayda ictimaiyyət arasında paylanmışdır. Eyni zamanda maraqlananlara, Güney Azərbaycan haqda artıq məlumat almaq istəyənlərə isveç dilində şifahi məlumat da verilmişdir.

Bunu da artırmalıyıq ki, havanın günəşli və istirahət günü olduğu üçün meydanda böyük izdiham olmuşdur. Bu da informasiya kompaniyasına daha çox adamın cəlb olunmasına şərait yaratmışdı.

Tədbir saat 15:00-da başlayıb 17:00-da başa çatmışdı.

Qaynaq: Azat tribun

GUNAZ.TV

SON XƏBƏRLƏR