Contact Us

SON XƏBƏRLƏR

Amerikada yaşayan türklər prezident Obamanı soyqırım sözünü işlətməməyə çağırır

2021.10.20, 07:36
Amerikada yaşayan türklər prezident Obamanı soyqırım sözünü işlətməməyə çağırır

Gunaz.tv

GünAz TV: Amerikada yaşayan türklərin şəbəkəsi prezident Obamaya və Ağ Evə məktub göndərərək, Amerika prezidentini aprelin (April) 24-ü açıqlayacağı bəyanatında soyqırım sözünü işlətməməyə çağırır.

 

GünAz TV mətbuat mərkəzi "Amerikanın səsi"nə istinadən bildirir ki, məktublar ABŞ (Amerika Birləşmiş Ştatları) Konqresinin üzvlərinə də göndərilib. Məktubda Amerikada yaşayan türk icmasının üzvləri aprelin 24-nün erməni soyqırımı günü adlandırılmasına etirazlarını bildirir. Burada deyilir ki, baş vermiş digər faciəli hadisələrdən fərqli olaraq, ermənilərin iddia etdiyi soyqırım ətrafında qızğın mübahisə yaranmış, bu iddialar ABŞ-ın federal məhkəmələri tərəfindən rədd edilmiş və BMT-nin (Birləşmiş Millətlər Təşkilatının) məhkəmələri tərəfindən heç zaman qəbul edilməmişdir. Məktubda göstərilir ki, Osmanlı arxivlərinə (arşivlərinə) əsasən, 1910-1922-ci illər arasında erməni hərbçiləri 523 000 türkü qətlə yetirib.

 

ABŞ prezidentləri hər il aprelin 24-də Osmanlı imperatoruluğu dövrü ermənilərin qətllərini qınayan qətnamə ilə çıxış edir. Lakin prezidentlər adətən qətlləri soyqırım kimi qiymətləndirməkdən çəkinir. Amerikadakı erməni icması illərdir ABŞ prezidentləri və Konqres üzvlərini qətlləri soyqırım kimi tanımağa çağırır. Türkiyə isə xəbərdarlıq edib ki, hadisələrin rəsmi olaraq soyqırım kimi tanınması ABŞ-la ikitərəfli münasibətlərə böyük zərər vura bilər.

SEÇİLMİŞ XƏBƏRLƏR

Çox oxunanlar