İranda hakimiyyət mübarizəsi gedir

SON XƏBƏRLƏR

İranda hakimiyyət mübarizəsi gedir

2021.10.20, 07:36

Gunaz.tv

GünAz TV: İran Prezidenti Mahmud Əhmədinejad kəşfiyyat naziri Heydar Moslehini işinə bərpa etmək üçün daxili təzyiqlərlə üzləşməkdədir.

GünAz TV mətbuat mərkəzinin BBC-yə istinadən yaydığı məlumata görə, Cənab Əhmədinejad cənab Moslehinin istefasını bazar günü qəbul edib, ancaq Ali dini lider Əli Xameneyi dərhal onun işində qalmasına əmr verib.

İran parlamentinin 290 deputatının (millət vəkili) üçdə ikisindən artıq bir hissəsi çərşənbə günü cənab Əhmədinejadın bu əmrə itaət etməsinə çağıran bəyanat imzalayıb.

Təhlilçilər deyir ki, İran ruhaniləri cənab Əhmədinejadın həddindən artıq hakimiyyətə sahib olduğunu düşünürlər.

Kəşfiyyat nazirinin dəyişdirilməsi... ölkənin maraqlarında deyil, dövlət radiosu ilə oxunan bəyanatda belə deyilir.

"Siz liderin dediklərinə əməl etməlisiniz...kəşfiyyat nazirini dəstəkləməlisiniz" - AP xəbərlər agentliyinin tərcümə etdiyi bəyanat mətnində belə deyilir.

Xameneyi ilə narazılıq

Rəsmi səbəblər verilməsə də, nazirin işdən çıxarılmasının daxili hakimiyyət mübarizəsinin növbəti işarəsi olduğu deyilir.

Müxbirlər bildirir ki, cənab Moslehi cənab Əhmədinejadın inanılmış adamı Esfandiar Rahim Maşaeyə yaxın rəsmini işdən çıxardıqdan sonra özü işdən azad olunub.

Prezidentin qızı ilə evli olan cənab Maşaei İranın sərt xətt-tərəfdarlarını öz bəyanatları ilə qəzəbləndirmişdi.

2009-cu ilin mübahisəli seçkilərindən az sonra cənab Əhmədienjad ali dini liderin cənab Maşaeni vitse-prezident (prezident müavini) təyin etməmək təzyiqinə baş əymişdi.

Hazırkı gərginlik cənab Əhmədinejad və Ayətulla Xameneyi arasında uçurumun genişləndiyini göstərir. İkinci, prezidentin uzaqgedən ambisiyalarından (cahtələblik) məmnun olmadığını nümayiş etdirib.

Ancaq İran prezidentinin nüfuzlu tərəfdarları var. Onların arasında İranın nüvə proqramı və neft sənayesi kimi həlledici sahələrə nəzarət edən İnqilab Keşikçiləri (Sepahilər) də vardır.

GUNAZ.TV

SON XƏBƏRLƏR