GünAz TV: Tehran hakimiyətinin Dəməşqdəki Bəşşar Əsəd rejiminə yardım etməsini təbii də qarşılamaq olar. Çünki onların düşmənləri eynidir - demokratiya və Qərb.

Suriyada da mövcud hakimiyyətə qarşı etiraz aksiyaları davam etməkdədir. Təəssüf ki Bəşşar Əsəd də o biriləri kimi etirazçıların istəklərinə qarşılıq verməkdənsə, küçələrə tanklar çıxarıb. Tarixi təcrübə göstərir ki, cəmiyyətin etiirazına qarşı tank çıxrmaq yanlış yoldur. Bu addımı 20-ci yüz ilin ortalarında keçmiş SSRİ (Şurəvi) dəfələrlə tətbiq etdi.

Yada salaq - Macarıstan, Çexoslavakiya, Polşa, Əfqanıstan, Vyetnam, Qazaxıstan, Gürcüstan, Azərbaycan, Litva və s. ölkələrdə insanların haqlı istəkləri tanklarla qarşılanmışdı. Bu sayan hikkəli davranış sovetlər birliyinin (Şurəvi) dağılmasına təsir gösətərən amillərdən oldu.

Suriya müxalifətinin İnternet vasitəsi ilə yaydığı sənəddə etiraz yürüşü iştirakçılarına qarşı xüsusi xidmət orqanları əməkdaşlarının davranışı göz əksini tapıb. Ölkənin təhlükəsizlik oraqanları tətərfindən hazırlandığı ehtimal olunan həmin təlimatda bildirilib Ki, bir gündə 20 nəfərdən çox yürüşçü öldürülməsin. Qurbanların sayının çox olması, beynəlxalq ictimaiyyətin, eləcə də qərbin Suriyaya diqqətinin artmasına səbəb ola bilər.

Baş verən olayların məsuliyyətini xarci elementlərin (ünsürlərin), özəlliklə «sionist rejimin daşıdığını» təbliğ edilməsi təlimatda əmr olunub. Güsusi xidmət orqanlarının əməkdaşlarına internnetdə müxalifətlə əlaqəl saxlayıb, daha çox məlumat əldə etmək tapşırığı da verilib.

Əsgərlərə və polislərə tapşırılıb ki, nümayiş və yürüşlər zamanı kütlənin içinə girib, çeşidli təxribat, təhrikedici fəaliyyətlə məşğul olan «özəl təlim görmüş mülki geyimli agentlərə (amillərə, casuslara)» mane olmasınlar.

Liderlərin «aradan götürülməsi» ilə bağlı tətikçilərə verilən göstərişə əsasən, onlar «işlərini başa» çatdırdıqdan sonra yerləşdikləri ərazini elə gizlətməlidir ki,  atəşin açıldığı yer bilinməsin.

Həmin sənədə görə, kütləvi çıxışlar olan rayon (məntəqə) tez bir zamanda təcrid edilməldir-ev və cib telefonlar bağlanmalı, elektirik təchizatı kəsilməli,intenetə giriş qapadılmalıdır. Bunudan sonra müxalifət lideri aşkarlanıb, ya həbs edilməli, ya da öldürülməlidir.

Xəbərə əsasən, ABŞ-ın (Amerika Birləşmiş Ştatlarının) uyğun qurumları sənədin gerçəkliyini araşdırır. «Fox News» isə ABŞ mənbələrinə istinadən bildirilib ki, İslam Respublikasının (Cümhuriyyəti) rəhbərliyi gizli şəkildə Suriyadakı rejimə yardım edir,  eləcə də Bəhreyn və Yəməndəki olayların «şişirdir».

Amekrika prezidenti aparatının təmsilçisinin dediyinə görə, İran hakimiyyətinin Bəşşar Əsəd rejiminə rabitə vasitələrinə, o cümlədən internetə girişə və cib telefonlarına nəzarətdə köməklik etməsinə dair sübutlar var.

Bununla yanaşı Bəhreyn və Yəməndə sabitliyin pozulmasında da İranın əli olduğundan ehtiyat edilir. Xəbərə əsasən, Yaxın Şərq ölkələrində  Tehranın çeşidli icmaları biri-birinə qarşı qoymaqda fəaliyyət göstərdiyindən də Vaşinqtonda narahatlıq var.

«The Wall Street Journal»ın məlumatında bildirilib ki, İraqda şiələr arasında qarışıqlığın yarana biləcəyindən də ABŞ ehtiyat edir.

Təkcə İran hakimiyyəti deyil, onun dəstəklədiyi çeşidli terrorçu qrupların da Dəməşq rejiminə yardım etdiyi haqda məlumatlar yayılmaqdadır. «MIGnews»-un bildirdiyinə görə, Livandakı (Lübnandakı)  «hizbullah»ın lideri Həsən Nəsrulla deyib : «İranın ləyaqətindən söz düşəndə livanlılar susmamalıdır. Bizmi «Vikiliks»imiz yoxdur. Ancaq Suriya, İran və başqa dövlətlər kimi dostlarımız var. Biz onları heç vaxt satmarıq».

İsrail Müdafiə Nazirliyinin hərbi-siyasi bölməsinin başçısı Amos Gilad  Küveytdə çıxan «əl-Rai əl-Aləm» qəzetinə müsahibəsində  deyib ki, Livan «hizbullah» İran və Suriyanın dəstəyindən yararlanır. Onun sözlərinə görə, bu terrorçu təşkilatın 45 minə yaxın raketi var : «Livan suveren dövlət sayıla bilməz. Suriya və İran onun daxili işlərinə fəal qarışır. Biz rəsmi Dəməşqlə sülh şəraitində yaşamaqda maraqlıyıq. Ancaq prezident Bəşşar Əsəd terrorçu təşkilatları dəstəklədiyindən və İranla müttəfiqliyi davam etdirdiyindən İsrailin Suriya hakimiyyəti ilə sülh danışıqları aparması mümkünsüzdür».

Suriyadakı duruma dərindən nəzər salanda Yaxın Şərqin problemləri daha aydın görünür. O, da aydın olur ki, Tehran hakimiyyəti yalnız 80 milyona yaxın İran əhalisini deyil, eləcə də 20 milyonluq suriyalını sanki girov götürüb. Atom-nüvə proqramını davam etdirməkdə israrlı davranışına əsasən  belə ehtimal etmək olar ki, əldə edəcəyi «çirkli atom bombası» ilə İran rejimi dünya əhalisini hədələyəcək. Bu baxımdan hikkəli, iddialı, antidemokratik rejimlərin dünya əhalisi üçün təhlükəli olduğu qənaətinə də gəlmək olar.

Odur ki, İran-Suriya-«Hizbullah» zəncirinin qırılmasının bölgədəyə barış və sabitlik gətirəcəyi də istisna edilmir. Sədrəddin Soltan