İran məhkəməsi korrupsiyaya qarşı «sərt mübarizə aparmaq niyyətindədir»

SON XƏBƏRLƏR

İran məhkəməsi korrupsiyaya qarşı «sərt mübarizə aparmaq niyyətindədir»

2021.10.20, 07:36

Gunaz.tv

GünAzTv: Neft və təbii qazla zəngin müsəlman ölkələrinin ən başlıca problemlərindən biri bu sahədən gələn gəlirin şəffaflığı ilə bağlıdır. Belə bir hal həm də korrupsiyanın «çiçəklənməsinə» şərait yaradır.

«global62»-nin məlumatına əsasən, «Transparency International»-ın antikorrupsiya reytinqi cədvəlində İran İslam Respublikası 2009-cu ilin nəticələrinə görə, 168-ci yerdədir.

Təftiş təşkilatı direktorunun vəzifəsini icra edən Vəliulla Xebrə İranın Əhvaz şəhərindəki çıxışı zamanı «xarici qurumların İranda korrupsiyanın səviyyəsi haqda verdiyi» məlumat «gerçəkliyi əks etdirmir».Onun sözlərinə görə, BMT-nin korrupsiyaya qarşı mübarizə konvesiyasına qouşlan 160 dövlətdən biri İrandır.

O, əlavə edib ki, rəsmi olmayan xarici mənbələrin hesabatlarını «etibarlı saymaq olmaz, bir də onlar İranın rəsmi mənbələrindən istifadə etməyib».

Qeyd etmək lazımdır ki, hələ İran prezidenti Mahmud Əhmədinejad 2005-ci ildə, birinci dəfə prezident olmaq istəyəndə seçki qabağı kampaniya zamanı «iqqtisadi korrupsiyaya qarşı mübarizəni başlıca vəzifələrindən biri» adlandırmışdı.

Ümumiyyətlə, özünü islahatçı sayan keçmihş prezident Məhəmməd Xatəminin, ondan əvvəlki hökumət başçısı Haşimi-Rəfsəncaninin prezidentliyi dövürndə də korrrupsiya İran İslam Respublikası hakimiyyətinin başlıca bəlalarından olub.

Zaman ötüdükcə bu sosial bəla daha da «çiçəklənib» .

İran məhkəmə sisteminin başçısı ayətula Sadiq Amuli-Laricani Tehran Universitetində çıxışı zamanı bəyan edib ki, məhkəmə hakimiyyəti sosial ədaləti ən «yüksək həddə təmin etmək» üçün korrupsiyaya qarşı «sərt mübarizə aparmaq haqda qərar qəbul etmək niyyətindədir». Sədrəddin Soltan

GUNAZ.TV

SON XƏBƏRLƏR