Mottəki istefaya göndərilməsini “qeyri-diplomatik, qeyri-islami və təhqiredici” sayıb

SON XƏBƏRLƏR

Mottəki istefaya göndərilməsini “qeyri-diplomatik, qeyri-islami və təhqiredici” sayıb

2021.10.20, 07:36

Gunaz.tv

GünAzTv: Dekabrın 13-də İran prezidenti tərəfindən istefaya göndərilən sabiq xarici işlər naziri Manuçehr Mottəki ölkə rəhbərinin bu gözlənilməz addımı ilə bağlı açıqlamalar verib.

GünAzTv mətbuat mərkəzinin APA-ya istinadən yaydığı məlumata görə, Manuçehr Mottəki bildirib ki, nə Seneqala səfərdən əvvəl, nə də səfər zamanı vəzifədən uzaqlaşdırıldığı barədə məlumatlandırılmayıb. O istefaya göndərilməsini “qeyri-diplomatik, qeyri-islami və təhqiredici” hərəkət kimi dəyərləndirib.

İran xarici işlər nazirinin vəzifədən getməsinə həsr olunmuş təntənəli mərasim ötən həftə keçirilib, lakin Manuçehr Mottəki mərasimə qatılmayıb. Prezident Əhmədinejad son beş il ərzində göstərdiyi fəaliyyətə görə Mottəkiyə təşəkkürünü bildirib və ona gələcək həyatında uğurlar diləyib. Bununla belə prezident Əhmədinejad nazirin istefaya göndərilməsinin səbəblərini açıqlamayıb.

İran Xarici İşlər Nazirliyinin rəsmi nümayəndəsi Ramin Mehmanpərəst bildirib ki, Mottəkinin istefaya göndərilməsi ölkənin xarici siyasət kursunda dəyişikliyə səbəb olmayacaq: “İranın xarici siyasətinin əsas istiqamətləri ən yüksək səviyyədə müəyyənləşir və Xarici İşlər Nazirliyi bu siyasəti həyata keçirir”.

GUNAZ.TV

SON XƏBƏRLƏR