Contact Us

SON XƏBƏRLƏR

Ermənilər Türkiyədən əl çəkmir

2021.10.20, 07:36
Ermənilər Türkiyədən əl çəkmir

Gunaz.tv

GünAzTv: ABŞ-da (Amerika Birləşmiş Ştatları) yaşayan bir qrup erməni Türkiyə Cumhuriyyəti Dövləti, Mərkəzi və Ziraat banklarının əleyhinə məhkəmə iddiası qaldırıb.

Onlar 1915-ci il hadisələri zamanı mülklərini itirdiklərini iddia edirlər. İddia ermənilərin daha sıx yaşadığı Los Ancelesdəki Bölgə məhkəməsində, həyat yoldaşı da iddiaçılar arasında yer alan vəkil Vartkes Yeqhiayan tərəfindən qaldırılıb. 1915-ci ildə babalarından qalan mülklərini itirdiklərini iddia edən 3 erməni Adanada, İncirlik bazası da daxil olmaqla 49,5 hektarlıq sahə üçün 63,9 milyon dollar təzminat tələb edirlər. Adıçəkilən ərazilərin sənədlərinə sahib olduqlarını deyən ermənilər Türkiyənin İncirlik bazasını ABŞ-ın istifadəsinə verərək gəlir əldə etdiyini qeyd ediblər. Bu ilin iyul ayında ermənilər tərəfindən "Davoyan Davası" adlı daha bir məhkəmə iddiası qaldırılmışdı. Bu iddiada da ermənilər 1915-ci ildə mülklərinin müsadirə edildiyini deyərək, təzminat tələbi ilə çıxış etmişdilər. ABŞ-dakı Türk-Amerika Dərnəkləri Assambleyasının (ATAA) rəhbəri Günay Evinch açıqlamasında yeni iddianın "Davoyan Davası" ilə eyni olduğunu, ancaq vəkillərlə iddiaçıların fərqli olduğunu bildirib. Onun sözlərinə görə, ikinci iddianın vəkili Yeqhiayanın "Davoyan Davası"nın vəkili Mark Qeraqos ilə mübahisə edib. Belə ki, Yeqhiayan Qeraqosun Türkiyəyə qarşı iddia qaldırmaq fikrini ondan oğurladığını iddia edir. Bunun üçün də Yeqhiayan özünə yeni iddiaçı taparaq eyni prosesi yenidən başladıb. Yəni əslində iddianın qaldırılmasında iki vəkil arasında yaranmış münaqişə önəmli rol oynayır.

SEÇİLMİŞ XƏBƏRLƏR

Çox oxunanlar