İsrail pul verir ama üzr istəmir

SON XƏBƏRLƏR

İsrail pul verir ama üzr istəmir

2021.10.20, 07:36

Gunaz.tv

GünAzTv: «Reuters» agentliyi məlumatına görə, «İsrail bir şərtlə hər ailəyə 100 min dollar verə biləcəyini açıqlayıb…»

Türkiyənin Qəzzə zolağına humanitar yardım aparan «Mavi Mərmərə» gəmisinə basqın zamanı İsrail silahlı qüvvələrinin qətlə yetirdiyi sülh fəallarının ailələrinə verməyi planlaşdırdığı təzminat həcminin təyin edildiyi barədə xəbərlər yayılıb. Türkiyə ilə əlaqələrin yoluna qoyulması üçün İsrailin təzminat miqdarını təyin etdiyini açıqlayan «Reuters» informasiya agentliyinin xəbər verdiyinə görə, İsrail hər bir ailəyə 100 min dollar ödəməyə hazır olduğunu bildirib və mövqeyini Cenevredə keçirilən görüş zamanı Türkiyə tərəfinə çatdırıb.Eyni zamanda, İsrailin rəsmi olaraq üzr istəmək niyyətində olmadığı da qeyd edilib. Xəbərə görə, təzminat ödəməklə İsrail tərəfi «hadisənin məsuliyyətini öz boynuna götürmədiyini, sadəcə olaraq insani bir jest etdiyini» bildirib. «Reuters» agentliyinin yazdığına görə, İsrail donanma basqınında ölən 9 türkün ailələrinə təzminat ödənməsi qarşılığında, İsrail donanmasına qarşı açılan iddialarda məsuliyyətdən yaxa qurtarmaq üçün Türkiyədən kömək istəyib. Agentliyə açıqlama verən bir İsrailli səlahiyyətlisi bildirib ki, «təzminat təklif etdik və Türklərdən də hüquqi qayğılarımızı aradan qaldırmaq üçün nə lazımdırsa, etmələrini istədik. Həmçinin geri çağırdıqları səfirlərini yenidən İsrailə göndərmələrini istəyirik. Biz də Ankaraya yeni səfir təyin etmək istəyirik. Amma hələ də böyük maneələr var».Türkiyə Xarici İşlər Nazirliyinin müşaviri Feridun Sınırlıoğlu və İsrailin baş naziri Benyamin Netanyahunun xüsusi nümayəndəsi Yozef Seçanover arasında İsveçrənin Cenevrə şəhərində keçirilən iki mərhələli müzakirələrdə ortaya qoyulduğu bildirilən təklifə görə, İsrail təzminat və üzrxahlığın rəsmi olaraq Türkiyə dövlətinə deyil, qurbanların yaxınlarına ünvanlanmasını istəyir.Cenevrədə keçirilən görüşlərin ardından ölkələrinə dönən diplomatların təklifləri Ərdoğan və Netanyahuya çatdıraraq fikirlərini öyrənəcəkləri və qarşıdakı həftələrdə yenidən bir araya gələrək bu təkliflər üzərində işləyərək son variantı ortaya çıxaracaqları bildirilir. Baş nazir R.T.Ərdoğan son şərhində Türkiyə dövlətindən rəsmən üzr istənilməsi tələbini təkrarlamışdı. Üzr istəməyə qarşı çıxan İsrail xarici işlər naziri Liberman və irqçi kolalisiya üzvləri bu tələbə «əslində türklər üzr istəməlidirlər» deyə cavab vermişdilər.

GUNAZ.TV

SON XƏBƏRLƏR