Tehran sanksiyaların götürülməsini tələb edir

SON XƏBƏRLƏR

Tehran sanksiyaların götürülməsini tələb edir

2021.10.20, 07:36

Gunaz.tv

GünAzTv: İran prezidenti Mahmud Əhmədinejad deyib ki, əgər İrana tətbiq edilmiş sanksiyalar götürülsəydi nüvə proqramına dair danışıqlar məhsuldar olardı.

Cenevrədə BMT Təhlükəsizlik Şurasının 5 daimi üzvü üstəgəl Almaniya və digər tərəfdən İranın nümayəndələri arasında danışıqların ikinci günü başa çatıb.

GünAzTv mətbuat mərkəzinin BBC-yə istinadən yaydığı məlumata görə, Avropa İttifaqının xarici siyasət idarəsinin rəhbəri Kətrin Əşton bu danışıqları əsaslı və təfərrüatlı danışıqlar kimi qiymətləndirib. Nümayəndələr yanvar ayının sonunda İstanbulda bir daha görüşmək razılığına gəliblər.

İranda etdiyi çıxşında prezident Mahmud Əhmədinecad deyib ki, danışıqlarda tərəqqiyə nail olmaq üçün beynəlxalq birlik İrana tətbiq edilmiş sanksiyaları və məhdudiyyətləri aradan qaldırmalıdır.

Mahmud Əhmədinecad deyib: "İndi siz deyirsiz ki, danışıqlar aparmaq istəyirsiniz - burada problem yoxdur. Əgər siz səmimisinizsə və qanunlara riayət edrisinizsə, əgər siz dostluğa çalışırsınız və İranın danılmaz hüquqlarına hörmət edirsinizsə, əgər siz bundan əvvəl qəbul edilmiş bütün yanlış qərarları dayandırırsınızsa - hərçənd onların İran xalqına heç bir təsiri olmadı, - əgər siz İran xalqının tərəqqisinə yardım etmək üçün bütün sanksiyaları ləğv edirsinizsə, - onda əlbəttə danışıqlar daha səmərəli və məhsuldar olacaq."

GUNAZ.TV

SON XƏBƏRLƏR