Contact Us

SON XƏBƏRLƏR

«Wiki-Leaks» bir daha fəaliyyətə başladı

2021.10.20, 07:36
«Wiki-Leaks» bir daha fəaliyyətə başladı

Gunaz.tv

GünAzTv: «Wiki-Leaks” təşkilatı Amerika diplomatlarının Vaşinqtona vurduqları gizli teleqramların dərcini davam etdirməkdə israrlıdır.

Hətta Amerikada “Wiki-Leaks”ə domain vermiş EveryDNS şirkəti domain-ə girişi bağlasa da. Şirkət demişdi ki, “Wiki-Leaks”ə görə onların serverinə haker hücumu olub və bu onların serverində yüz minlərlə başqa saytlara təhlükə yaradıb. Amma dekabrın 3-də “Wiki-Leaks” yenidən İnternetə qayıdıb. Bu dəfə domain-i İsveçrədən alıb. Wiki-Leaks-in rəhbəri Culian Assancın vəkili Mark Stephens əvvəlki domain- üçün təhlükənin necə yaradılmasından danışıb: www.wikileaks.ch Amma güman ki sayt Fransa və İsveçdən idarə olunur. Bu arada “Washington Post” yazır ki, “Wiki-Leaks” əsasən şayiə və şəxsi dəyərləndirmələrdən ibarət olsa da, Amerikaya böyük zərbə vurub. İlk növbədə də Amerikanın hərbi planlarına. Məsələn, qəzet xatırladır ki, “Wiki-Leaks”in yaydığı sənədlərdən birinə görə, Yəmən prezidenti ölkədəki Əl-Qaidə mövqelərinin Amerika tərəfindən bombalanmasına icazə versə də, bunun Yəmən qüvvələri tərəfindən edilməsi haqda məlumat yayıb. “Əgər nəzərə alınsa ki, Yəmən hökuməti onsuz da Əl-Qaidəyə qarşı mübarizədə Amerikayla həvəslə əməkdaşlıq etmir, onda aydındır ki, bu məlumatdan sonra Amerikanın Yəməndə Əl-Qaidə terrorçularına qarşı mübarizə aparması imkanları məmdudlaşacaq. Halbuki Mərkəzi Kəşfiyyat İdarəsi Yəməndə Əl-Qaidə ozəyinə qarşı mübarizəni Amerika üçün ən mühüm hədəflərdən sayır”. “Washington Post” yazır ki, məxfi sənədlərin açıqlanmasının Amerikaya vurduğu ikinci zərbə - ABŞ diplomatlarının məlumat toplamaq imkanlarına vurulan ziyandır. “Terrora qarşı mübarizə qarşılıqlı inam tələb edir. Bundan sonra kim Amerika diplomatlarına etibar edib məlumat ötürəcək?” - deyə məqalə müəllifi Charles Krauthammer sual edir. (Azadlıq Radiosu)

SEÇİLMİŞ XƏBƏRLƏR

Çox oxunanlar