Prof.Qulamrza Səbri Təbrizi DAKın növbəti Qurultayı barədə danışıb

SON XƏBƏRLƏR

Prof.Qulamrza Səbri Təbrizi DAKın növbəti Qurultayı barədə danışıb

2021.10.20, 07:36

Gunaz.tv

GünAzTv mətbuat mərkəzi DAK-ın fəxri sədri, Edinburq və Bakı Dövlət Universitetinin professoru Qulamrza Səbri Təbrizinin “Yeni Nəfəs” qəzetinə verdiyi müsahibəni olduğu kimi təqdim edir:

Məlum olduğu kimi qarşıdan Dünya Azərbaycanlıları Konqresinin sayca XI Qurultayı gəlir. Dekabr ayının 11-12-də Böyük Britaniyanın London şəhərində keçiriləcək qurultaya iki aydır ki, hazırlıq işləri gedir. Bu münasibətlə DAK-ın fəxri sədri, Edinburq və Bakı Dövlət Universitetinin professoru Qulamrza Səbri Təbrizi Londondan “Yeni Nəfəs+” qəzeti olaraq suallarımızı cavablandırdı.

- Səbri bəy, öncə qurultayın keçirilmə məkanı və zamanı barədə məlumat verərdiz. Niyə məhz London?

-Bildiyiniz kimi Böyük Britaniya dünyanın güc mərkəzlərindən biridir. Diasporumuzun güclənməsi üçün burda mən 40 ilə yaxındır çalışıram. O zamanlar ki, hələ Azərbaycan Sovet əsarətində idi. İndi isə müstəqil dövlətimiz var. Bu baxımdan London dünyanın mərkəzidir. Belə bir qurultayın burda keçirilməsi daha geniş təbliğə səbəb ola bilər. Azərbaycan adının daha çox çəkilməsinə nail olarıq. O ki qaldı zaman, bilirsiz həmin tarix həm Beynəlxalq İnsan Haqları günüdür. Həm də Güney Azərbaycanda baş vermiş 21 Azər Hərakatının ildönümüdür. Qurultayımızı da həmin tarixə saldıq ki, dünyanın diqqətini həm Qarabağda, həm də Güney Azərbaycanda baş verənlərə çəkək. Problemlərimizi insan haqları prizmasından dünya gündəminə gətirək. İnanıram ki, məqsədimizə nail olacağıq.

- Hazırda qurultayla bağlı təşkilatı işlər nə yerdədir?

-Qurultaya hazırlıq iki aydır ki başlayıb və yekunlaşmaq üzrədir. Londonun məşhur otellərindən birində keçiriləcək qurultaya dünyanın müxtəlif ölkələrindən Azərbaycanlılar – diaspor və media nümayəndələri qatılacaq. Hətta şəxsi münasibətlərimdən istifadə edərək bir sıra xarici vətəndaşları və siyasi xadimləri də qurultaya dəvət etmişəm. Elə ancaq Azərbaycandan konqresin 40-a yaxın üzvü və media nümayəndəsi gələcək. Bundan başqa Londonun özündə yaşayan və kifayət qədər fəal olan diasporçularımız da qurultayda iştirak edəcək. Əsas olaraq isə biz Avropanın və ümumilikdə dünyanın müxtəlif ölkələrindən azərbaycanlıları dəvət etmişik. Artıq qurultaya işlər yekunlaşmaq üzrədir. İlkin nəticə budur ki, qurultay ən azı 250 iştirakçının qatılımı ilə baş tutacaq.

- Dünyada Azərbaycanı tanıdan şəxs kimi Azərbaycan ictimaiyyətinə sözünüz.

-Hər kəsi salamlayıram. Azərbaycan bizim canımızdır. Biz harda olursaq olaq, olduğumuz yeri bir Azərbaycan etməliyik. Qurultayımıza öz qatılımı ilə şərəf verən hər kəs sağ olsun. Ona görə sağ olsun ki, vətənin taleyinə biganə qalmırlar. Bir də bizə informasiya dəstəyi verən media orqanlarına xüsusi salamımı yetirirəm. Seymur HƏSƏNLİ

GUNAZ.TV

SON XƏBƏRLƏR