Heidelberg Ocağının çağırışına DƏSTƏK

SON XƏBƏRLƏR

Heidelberg Ocağının çağırışına DƏSTƏK

2021.10.20, 07:36

Gunaz.tv

GünAzTv: Azərbaycanlılar yaşadığı yerdən asılı olmayaraq Ulu şəhidlərimizin xatirəsini anmaq üçün, 21 Azər günü (12 dekabr) bir şam yandıraraq bir dəqiqə sayqı duruşunda bulunacaqlar.

Bu barədə bir qrup Almaniyada yaşayan azərbaycanlı ziyalı, yazıçı və bilgin soydaşlarımız öz dəstəklərini Heidelberg Ocağının yaydığı çağırışa bildiriblər.

Onlar vuqulayıblar ki, fars şovinizminin bütün hiyləkar siyasətinə baxmayaraq, biz 21 Azər günü çox əzəmətlə yad edib və öz doğma şəhidlərimizi rəhmətlə anacayıq.

Xatırladaq ki, Heidelberg Ocağı bir neçə gün öncə 21 Azər günü ilə bağlı önəmli bir önəridə bulunmuşdu. 21 Azər gününün yaxınlaşdığını nəzərə alaraq Heidelberg Ocağının Çağırışını bir daha olduğu kimi aşağıda dərc edirik:

"Dünyanın çeşitli ölkərində yaşayan sayqı dəyər Azərbaycanlı soydaşlarımız!

Şanlı 21 Azər´in 65ci ildönümünə görə sizi birər birər qutlayırıq!

Biz “Heidelberg Ocağı” olaraq sizə dünyanın harasında yaşamağınızdan asılı olmayaraq , üz tutub sizə səslənirik:

21 Azər, dövlətçiliyimizin 65ci ilini əzizləyib sayqıyla dəyərləndirməklə, o bir illik höküməti yaradan, o şanlı yolda şəhid olanların anmasına (xatirəsinə), habelə şəhidlərin qalanlarını əzizləmək adına, 21 Azər gününün axşamı, Saat 19:00da tək təkimiz bir şam yandıraraq ayağa qalxıb bir dəqiqə susma törəsini yerinə yetirək.

Hörmətli soydaşlarımız izin verin biz bir daha hamımız birlikdə şəhidlərimizi anımsayıb (xatırlayıb) onların anılarını, gördükləri qocaman işlərini unutmamağa, qutsal yollarını önə sürəcəyimizə söz verək!.

Gəlin, şəhidlərimizdən qalan iyid Qız Oğullara, habelə onların yollarında addımlayanlarla birlikdə yenidən bir daha İLQAR (peyman) bağlayaq! Onlara səslənərək deyək:

Sürəkli olduğu kimi, biz sizin yanınızdayıq!

Biz bütün varlığımızla, canımızla sizinləyik, sizinlə olacayıq!

Əziz söydaşlarımız! Biz “Heidelberg Ocağı” şəhidlərimizi mənimsəmək, onların yolunda yürüməyi özümüzün ulusal (milli) borcumuz bilirik.

Bütün Azərbaycanımızın şəhidlərini, ailələrini QUTLAMAQla tarixi güvənimizi yüksəldə biləcəyimizə inanırıq!

Sayqılı soydaşlar! Qoyun çirkin əllərin yiyələri bilsinlər, BİZ şəhidlərimizi unudmamış, heç zaman da unudmayacayıq!

Millətimizin devlətçiliyi, özgürlüyü yolunda canlarını qurban verənlər bizim ürəyimizdə, Azərbaycanımızın tarixində parlaq, sonsuz, məngü (əbədi) qalacaq ulduzlardırlar!

Azərbaycanımızın qanlı düşmənləri də bilsinlər, ağ yalanlarıyla, tariximizi tərs göstərməklə bizim aramızda ayrılıq, atışmalar salabilməzlər! Ulusumuz ayılmış artıq, onların çirkin siyasətləri bizi daha da birləşdirib sinməz, qırılmaz İSTƏNCİMİZ (iradəmiz) öz doğal haqlarımıza varmaq üçün gündən günə güclənəcəkdir!

Yaşasın Azərbaycan!

Yaşasın 21 Azər!

“Heidelberg Ocağ”I"

GUNAZ.TV

SON XƏBƏRLƏR