Amerika ilə Cənubi Koreya birgə hərbi təlimlərə başlayır

SON XƏBƏRLƏR

Amerika ilə Cənubi Koreya birgə hərbi təlimlərə başlayır

2021.10.20, 07:36

Gunaz.tv

GünAzTv: Şimali və Cənubi Koreya ararsında hərbi qarşıdurmadan sonra ABŞ (Amerika Birləşmiş Ştatları) Cənubi Koreya ilə birgə hərbi təlimlərə başlamağa qərar verib.

Seula tam dəstək verən Barak Obama bu gün hərbiçilərin iştirakı ilə xüsusi toplantı çağırmağı planlaşdırır. BMT isə hər iki Koreya respublikasını danışıqlar masasına dəvət edib.

GünAzTv mətbuat mərkəzinin İTV-yə istinadən yaydığı məlumata görə, Koreya yarımadasında atışmadan sonra Seula tam dəstək verən ABŞ Cənubi Koreya ilə birgə hərbi təlimlərə başlamağı planlaşdırır. Sarı Dənizdə hərbi təlimlərin noyabrın 28-dən dekabrın 1-nə qədər davam edəcəyi bildirilir. 4 günlük təlimlərin Şimali Koreyanın hücumundan əvvəl planlaşdırıldığı və müdafiə xarakteri daşıdığı xüsusi vurğulanır. 2 nəfərin ölümü, 20-nin yaralanması ilə nəticələnən hadisə ilə bağlı isə ABŞ-ın həm prezidenti, həm də müdafiə nazirliyi xüsusi açıqlama verib. Birləşmiş Ştatların prezidenti Barak Obama rəsmi şəkildə bəyan edib ki, amerikalılar Şimali Koreya ilə münaqişədə tərəfdaşı Cənubi Koreyaya yardım etməyə hazırdır. Çini Şimali Koreyaya təsir göstərməyə çağıran Amerika lideri Pekin vasitəsilə ismarıc göndərib ki, beynəlxalq ictimaiyyətin qəbul etdiyi ümumi normalar və qaydalar var ki, onlara əməl etmək vacibdir. Onun sözlərinə görə, Şimali Koreya qonşuları üçün hələ də təhlükə olaraq qalır. Qeyd edək ki, bu məsələ Barak Obamanın ordu generalları ilə buna dair keçirəcəyi xüsusi toplantıda da müzakirə mövzusu olacaq. Toplantıda Pentaqon rəhbəri ilə yanaşı dövlət katibi Hillari Klintonun da iştirakı planlaşdırılıb. Pentaqonda isə hesab edirlər ki, hələlik Şimali Koreyaya qarşı hərbi əməliyyatların başlanmasına heç bir əsas yoxdur. Bu barədə danışmsaq və hər hansı müdaxilə etmək hələ tezdir. Bununla yanaşı Pentaqon Cənubi Koreya ilə müttəfiqlik razılaşmalarına sadiqdir və Şimali Koreyanın addımlarını pisləyir. BMT-nin baş katibi Pan Qi Mun da Koreya Xalq Demokratik respublikasının Cənubi Koreyanın hərbi bazasına hücumunu tənqid edərək TŞ-na məsələ ilə bağlı sənəd təqdim etdiyini açıqlayıb. Baş katibin mətbuat xidmətinin məlumatına görə, Cənubi Koreya vətəndaşı olan Pan Qi MUN münaqişənin dialoq vasitəsilə dinc yollarla nizamlanmsının vacibliyini vurğulayaraq məsələni tez bir zamanda həll etməyə çağırıb. Hər iki tərəfi danışıqlar masasına dəvət edən baş katib münasibətlərə aydınlığın da məhz hücumun baş verdiyi adada gətirilməsini istəyir. BMT-nin silahlı qüvvələri də iki Koreya dövlətinin danışıqlara başlamasını tələb edərək, məsələnin araşdırılması üçün istintaq qurupu yaradılması təklif ilə çıxış edib.

GUNAZ.TV

SON XƏBƏRLƏR