NATO sammitində Türkiyənin tələbləri təmin olub

SON XƏBƏRLƏR

NATO sammitində Türkiyənin tələbləri təmin olub

2021.10.20, 07:36

Gunaz.tv

GünAzTv: Portuqaliyanın paytaxtı Lissabonda keçirilən NATO sammitinin ilk günündə “raketdən müdafiə sistemi” haqqında qərar təşkilata üzv ölkələrin liderləri tərəfindən qəbul edilib.

Bu, NATO-nun yeni strateji konsepsiyasının ən əhəmiyyətli elementlərindən biridir. NATO-nun baş katibi Anders Foq Rasmussen bunu tarixi hadisə kimi qiymətləndirib. Sənəddə 28 üzvü olan hərbi ittifaqın 21-ci əsrdə baş verəcək təhlükələrə qarşı aparacağı mübarizə qeyd edilib. Baş katib Rasmussen 21-ci əsrin təhlükələrini qlobal terrorçuluq, ballistik raketlərin çoxalması və kiber-təhlükəsizliyin olması kimi sıralayıb. Türkiyə mətbuatının məlumatına görə, qərarda Türkiyənin tələbləri qarşılanıb. NATO-nun gələcək 10-15 ilini formalaşdıracaq sənəddə NATO-AB əməkdaşlığının irəlilədilməsi və "strateji ortaqlıq" üçün AB-nin Türkiyəyə qarşı öhdəliklərini yerinə yetirməsi istənib. Sənəddə Avropa Birliyinə üzv olmayan NATO-nun avropalı müttəfiqlərinin (Türkiyə, Norveç və İslandiya) Avropa Birliyinin missiyalarına əhəmiyyətli qatqı verdiyi vurğulanaraq, "NATO və AB arasında strateji ortaqlıq üçün AB-yə üzv olmayan avropalı NATO müttəfiqlərinin bu səylərdə iştirakı lazımlıdır", deyə qeyd olunub.Diplomatik mənbələr bu ifadənin sənədə Türkiyənin israrı ilə daxil edildiyini vurğulayıblar. Qaynağın sözlərinə görə, bu ifadə Türkiyənin Avropa Müdafiə etmə Agentliyinə ortaq üzvlüyünü, Avropa Təhlükəsizlik və Müdafiə etmə Siyasətinə daxil olmasını və əməliyyatların qərar mexanizmində iştirakını əks etdirdiyini bildirir.Sənəddə həmçinin Rusiya raketdən müdafiə etmə sistemində NATO ilə əməkdaşlığa dəvət edilib. Liderlər Rusiya ilə əldə olunan “START” müqaviləsinə də dəstək verib. ABŞ prezidenti Barak Obama isə “START” adlı nüvə silahlarının azaldılmasını nəzərdə tutan müqavilənin Amerikanın milli mənfəətləri baxımından çox əhəmiyyətli olduğunu vurğulayıb. ANSPRESS

GUNAZ.TV

SON XƏBƏRLƏR