Contact Us

SON XƏBƏRLƏR

“5+1” qrupunun İranla ilkin danışıqları Türkiyədə keçirilməyəcək

2021.10.20, 07:36
“5+1” qrupunun İranla ilkin danışıqları Türkiyədə keçirilməyəcək

Gunaz.tv

GünAzTv: Avropa Birliyinin xarici işlər üzrə yüksək nümayəndəsi Ketrine Eyşton İrana cavabında müzakirələrin 5 Dekabr tarixində başlaması təklifini qəbul etdiyini və yer olaraq Cenevre, ya da Vyana şəhərinin seçiləcəyini deyib.

ABŞ (Amerika Birləşmiş Ştatları) Dövlət Departamentinin mətbuat katibi Filipp Krovley İran ilə '”5+1” qrupu arasında aparılacaq ilkin müzakirələrin Orta Avropa ölkələrindən birində təşkil edilməsi üçün qrup daxilində uzlaşmanın olduğunu bildirib.

GünAzTv mətbuat mərkəzinin SİA-ya istinadən yaydığı məlumata görə,  müzakirələrin ikinci, yaxud da sonrakı bir mərhələsi İstanbulda aparıla bilər.

 Krovley gündəlik mətbuat konfransında mövzu ilə bağlı suallara cavab verib. O, qeyd edib ki, Avropa Birliyinin xarici işlər üzrə yüksək nümayəndəsi Ketrine Eyşton İrana cavabında müzakirələrin 5 Dekabr tarixində başlaması təklifini qəbul etdiyini və yer olaraq Cenevre, ya da Vyana şəhərinin seçiləcəyini deyib. “Müzakirələrin aparılacağı yer niyə Türkiyə deyil” sualına isə mətbuat katibi belə cavab verib: “Daha əvvəlki toplantı Cenevredə idi. Bura “5+1” qrupuna mənsub bütün ölkələrin səfər tənzimləmələrini təmin edən bir məkandır. İran toplantının təşkil ediləcəyi yer olaraq İstanbulu təklif edib. Amma Ketrine Eyştonun ofisi isə Avstriya, ya da İsveçrə seçimini dilə gətirib. Bu ölkələrin ilk yığıncaq üçün daha uyğun və əlverişli olacağını düşünürük”.

 

İlk toplantının Eyşton ilə İranın nüvə məsələsi üzrə baş müşaviri Səid Cəlili arasında bir hazırlıq toplantısının, yoxsa, “5+1” ilə S.Cəlili arasında olacağına gəlincə F.Krovley bildirib ki, gözləntilər S.Cəlili ilə Avropa Birliyinin xarici işlər üzrə yüksək nümayəndəsi və “5+1” ölkələrinin siyasi direktorları arasında olacağı istiqamətindədir. Qeyd edək ki, “5+1” qrupuna BMT Təhlükəsizlik Şurasının 5 daimi üzvü olan ABŞ, Rusiya, Çin, Fransa, İngiltərə və Almaniya daxildir.

SEÇİLMİŞ XƏBƏRLƏR

Çox oxunanlar