SON XƏBƏRLƏR

İranın su ehtiyatları azalır

2023.06.09, 13:05
İranın su ehtiyatları azalır

İlin isti ayları başlanandan İranın su anbarlarında su ehtiyatı xeyli azalıb.

Gunaz.tv

Məlumata əsasən ölkənin su anbarlarının dolma faizi 65 olsa da,18 anbarda hələ də su həcmi miqdarı normadan azdır. 

Bu barədə İranın Su Resursları İdarəçiliyi Cəmiyyətinin Statistika Ofisinin ən yeni hesabatında bildirilib.

Hesabata əsasən Korfəz sahilində yerləşən Hörmüzqan Əyalətinin Şəmil, Nian və İstiqlal su anbarlarında ötən illə müqayisədə su ehtiyatı 65 faiz azalıb.

Sistan-Bəluçistan Əyalətinin su quyularında isə 60 faiz, Xorasan əyalətinin Dusti anbarında su ehtiyatı 65 faiz azalıb.

Həmçinin Mərkəzi Əyalətin Sava anbarında ötən illə müqayisədə 52-53 faiz su azalması qeydə alınıb. 

Qərbi Azərbaycan əyalətinin Baron anbarında 47 faiz, Kirman əyalətində yerləşən Sircan şəhərinin Tənquiyyə və Nesa anbarlarında 44-45 faiz azalma qeydə alınıb. 

Həmçinin Şərqi Azərbaycan əyalətinin Səttarxan anbarında 42 faiz, Ərdəbilin Savalan anbarında isə 38 faiz azalma olduğu bildirilib

Mazandaran əyalətinin Rəcai su anbarında 42 faiz və Fars əyalətinin Rudbal su anbarında isə su ehtiyatının 84 faiz azaldığı qeydə alınıb.

Xatırladaq ki, İran hakimiyyətinin ölkə üzrə qeyri-fars bölgələrində su siyasəti həmişə tənqid olunub. 

Fars əyalətləri hesab olunan İsfahan və Yəzdə Körfəzdən borular vasitəsi ilə su çatdırma meqa layihələri icra edildiyi halda Urmu gölünün dirçəlməsi istiqamətində ciddi işlər görülməyib.

Bu isə su ehtiyatı təmin olunmayan bölgələrdə etirazlara gətirib çıxarıb.

Taymaz

OXŞAR XƏBƏLƏR

SEÇİLMİŞ XƏBƏRLƏR

Çox oxunanlar