Contact Us

SON XƏBƏRLƏR

Milli Məclis ABŞ Senatının erməniləri müdafiə aktı ilə bağlı bəyanat qəbul edib

2023.11.21, 12:30
Milli Məclis ABŞ Senatının erməniləri müdafiə aktı ilə bağlı bəyanat qəbul edib

Milli Məclisdə yaradılan komissiya ABŞ Senatının erməniləri müdafiə aktı ilə bağlı bəyanat hazırlayıb.

Gunaz.tv

Bəyanatda deyilir:

“Milli Məclis ABŞ Senatında Azərbaycana qarşı qəbul edilmiş aktı qətiyyətlə rədd edir, bunu iki ölkə arasında münasibətlərə ciddi zərbə kimi qəbul edir. Bu, regionda sülh yaradılması səylərinə ciddi maneə törədir.

ABŞ Senatının qəbul etdiyi akt ikili standartların və selektiv yanaşmanın bariz nümunəsidir. Ermənistanın Azərbaycana qarşı işğalının genişləndiyi, Xocalı soyqırımının törədildiyi, azərbaycanlı əhaliyə qarşı kütləvi qırğın törədilərkən ABŞ BMT-nin TŞ-nin daimi üzvü kimi Azərbaycana qarşı bu hərəkətlərin qarşısının almasına cəhd etməyib, əksinə Azərbaycana qarşı 907-ci düzəlişi qəbul etdi.

Nəticədə ABŞ-nin maliyyə dəstəyi Azərbaycan torpaqlarının işğalı üçün Ermənistana kömək edib.

ABŞ Azərbaycan ərazisində yaradılmış seperatçı rejimi dəstəkləyib. ABŞ-nin vasitəçi kimi bugünkü addımları Azərbaycan cəmiyyətində nüfuzunu itirməsi ilə nəticələnib.

Amerikanın son illərdə həyata keçirdiyi xarici siyasət tamamilə iflasa uğrayıb. Xüsusilə Yaxın Şərq və Əfqanıstan siyasətini qeyd etmək lazımdır.

Azərbaycanın Milli Məclisi bir daha bəyan edir ki, Azərbaycan hər zaman beynəlxalq hüququn norma və prpinsipi əsasında bütün mənfi addımları qətiyyətlə cavablandıracaq".

Müzakirələrdən sonra bəyanat səsverməyə çıxarılaraq qəbul edilib.

Açar Sözlər :

OXŞAR XƏBƏLƏR

SEÇİLMİŞ XƏBƏRLƏR

Çox oxunanlar