Contact Us

SON XƏBƏRLƏR

İspaniyalı siyasətçi İranı ona qarşı terrorda ittiham etdi

2023.11.24, 11:46
İspaniyalı siyasətçi İranı ona qarşı terrorda ittiham etdi

İspaniyanın sağçı “Voks” partiyasının qurucusu və Kataloniyada sağ mərkəzçi Xalq Partiyasının keçmiş lideri Alxo Vidal Kuadras Roka İran hökumətini ona qarşı sui-qəsd törətməkdə ittiham edib.

Gunaz.tv

O, bu barədə İran müxaliflərinin xaricdə keçirdikləri toplantısına göndərdiyi məktubda yazıb.

 "İcazə verin bir daha İran rejiminin özünün şər iradəsini həyata keçirmək üçün bizə tətbiq etdiyi metodları sizə xatırlatdım. Rejimin əməllərinə bu yaxınlarda mənə qarşı terror hücumunu planlaşdırmaq da daxildir",- siyasətçi bildirib.

O, məktubunda Avropa Birliyini İrana qarşı daha sərt və məhdudlaşdırıcı addımlar atmağa çağırıb.

Qeyd edək ki, 78 yaşlı Alxo Vidal Kuadras Roka noyabrın 9-da Madridin mərkəzində motosikletçi silahlı şəxsin hücumuna məruz qalıb və üz nahiyəsindən güllə yarası alıb.

2009-2014-cü illərdə Avropa Parlamentinin sədr müavini olan ispaniyalı siyastçi son 25 ildə İran hakimiyyətinin insan haqları pozuntularına qarşı ən radikal mövqe tutan avropalı siyasətçi kimi tanınır.

O, güllə yarası nəticəsində çənəsinin sındığına görə hazırda xəstəxanada müalicə olunur.

İspaniya polisi hücumda əli olduğu ehtimal edilən 3 nəfəri həbs edib.

Hadisədən sonra İranın İspaniyadakı səfirliyi bəyanat yayaraq, Tehranın terrora qarşı olduğunu deyib.

Xatırladaq ki, 2022-ci ildə İranda baş verən kütləvi etiraz aksiyalarından sonra İran hökuməti Alxo Vidal Kuadras Rokanı etirazçıları dəstəklədiyinə görə qara siyahıya salıb.

Timur

Açar Sözlər :

SEÇİLMİŞ XƏBƏRLƏR

Çox oxunanlar