Contact Us

SON XƏBƏRLƏR

Kuleba: Bu gün Ukraynaya 110-a yaxın raket və çoxsaylı PUA-larla hücum edilib

2023.12.29, 14:23
Kuleba: Bu gün Ukraynaya 110-a yaxın raket və çoxsaylı PUA-larla hücum edilib

“Ukraynada mülki əhalini hədəfə almaq üçün Rusiya 110-a yaxın raket və çoxsaylı pilotsuz təyyarələrdən istifadə edib”.

Gunaz.tv

Bunu Ukrayna xarici işlər naziri Dmitri Kuleba Rusiyanın son hücumu ilə bağlı "X" hesabında paylaşımında bildirib.

Onun sözlərinə görə, son hücumda Rusiya doğum evini, məktəbləri, xəstəxanaları, yaşayış binalarını və ticarət obyektlərini hədəfə alıb.

“Bu gün milyonlarla ukraynalı güclü partlayış səsinə oyanıb. Kaş ki, Ukraynadakı bu partlayış səsləri bütün dünyada - hazırda Ukraynaya əlavə dəstəyi müzakirə edən bütün böyük paytaxtlarda, qərargahlarda və parlamentlərdə, “yorğunluq” və ya Rusiyanın guya “danışıqlara” hazır olması barədə yazan bütün redaksiyalarda eşidilsin.

Bu səslər Rusiyanın həqiqətən demək istədiyini ifadə edir. Bizim buna yeganə kollektiv cavabımız Ukraynaya davamlı, güclü və uzunmüddətli hərbi, maliyyə yardımı ola bilər və olmalıdır.

Yalnız böyük atəş gücü rus terrorunu susdura bilər”, - Kuleba vurğulayıb.

Açar Sözlər :

OXŞAR XƏBƏLƏR

SEÇİLMİŞ XƏBƏRLƏR

Çox oxunanlar