Contact Us

SON XƏBƏRLƏR

Tehranda hava çirkliliyi səbəbindən ölənlərin sayı açıqlandı

2024.01.01, 10:10
Tehranda hava çirkliliyi səbəbindən ölənlərin sayı açıqlandı

Ötən bir il ərzində İranın paytaxtı Tehran şəhərində 6398 nəfər hava çirkliliyi səbəbindən dünyasını dəyişib.

Gunaz.tv

Bu barədə Tehranın Ətraf Mühit və Şəhərsalma Xidmətləri Komissiyasının sədri Mehdi Pirhadi məlumat verib.

O, ölkədə havanın çirklənməsinin ildə 27 mindən çox insanın ölümünə səbəb olduğunu bildirib.

Pirhadi İranda havanın çirklənməsinin yaratdığı problemlər barədə məlumat verib.

Ölkədə hava çirkliliyini tez-tez gündəmə gətirdiyi üçün tənqid olunmaqdan narahat olduğunu dilə gətirən Pirhadi, "Bir il ərzində ölkədə 27 mindən çox, Tehranda isə 6 min 398 nəfər hava çirkliliyi səbəbindən həyatını itirdi" deyib. O əlavə edib ki, bu artım davam edərsə, 8 illik İran-İraq müharibəsindən daha çox itki verəcəyik.

Qeyd edək ki, İran Səhiyyə Nazirliyinin Hava Sağlamlığı və İqlim Dəyişikliyi İdarəsinin rəisi Dr. Abbas Şahsuni 8 noyabr 2022-ci il tarixli açıqlamasında havanın çirklənməsinin bir il ərzində ölkə üzrə 20 min 800, paytaxt Tehranda isə 6 min 400 nəfərin ölümünə səbəb olduğunu bildirib.

Hava çirkliliyinin əsas amillərindən biri isə ölkədə mövcud olan nəqliyyat vasitələrinin köhnə olmasıdır.

Ölkədəki avtomobillərin 6,5 milyonunun, motosikletlərin isə 90 faizə yaxınının köhnə olması hava çirkliliyinin təhlükəli səviyyəyə çatmasının əsas amilləri sırasındadır.

Timur

Açar Sözlər :

OXŞAR XƏBƏLƏR

SEÇİLMİŞ XƏBƏRLƏR

Çox oxunanlar