İsrail daha 2 Hizbullah komandirini məhv etdi

SON XƏBƏRLƏR

İsrail daha 2 Hizbullah komandirini məhv etdi

2024.10.10, 12:49

Günaz.tv "The Guardian"-a istinadən xəbər verir ki, Suriyada Hizbullah terror təşkilatına İsrail ordusu ilə bağlı kəşfiyyat məlumatı ötürən terrorçu məhv edilib.

Gunaz.tv

Eyni zamanda İsrail ordusu cümə axşamı Livanın cənubunda iki Hizbullah komandirini endirdiyi hava zərbələri nəticəsində məhv edib. İsrail qırıcıları Beyrut və digər bölgələrdəki sursat anbarlarına və digər hərbi infrastrukturlara zərbələr endirib.

İsrail Müdafiə Qüvvələri çərşənbə günü Suriyanın Quneytra bölgəsində Hizbullahın “Qolan terror şəbəkəsi”nin üzvü Ədham Cahutu məhv etdiyini bildirib.

İsrail Müdafiə Qüvvələri bildirib ki, öldürülən terrorçunun rolu Suriya rejimi mənbələrindən məlumatları Hizbullaha ötürmək olub. Terrorçu Qolan təpələrində İsrailə qarşı əməliyyatları asanlaşdırmaq üçün Suriya cəbhəsində toplanmış kəşfiyyat məlumatlarını Hizbullaha ötürməklə görəvləndirilib.

Suriya dövlət televiziyası cümə axşamı səhər saatlarında İsrailin Suriyanın Həma şəhəri yaxınlığındakı hərbi obyekti hədəf alan hava zərbələri nəticəsində müəyyən maddi zərərin dəydiyini bildirdi.

Suriyanın Dərayya bölgəsində də partlayış səsləri eşidilib. Partlayış səsləri ilə bağlı araşdırma davam edir.

İsrail ordusu Qırmızı dəniz üzərindən İsrailə yaxınlaşan, lakin İsrail ərazisinə keçməmiş pilotsuz uçuş aparatını zərərsizləşdirib.

GUNAZ.TV

SON XƏBƏRLƏR